શૈક્ષણિક / 2022ની UPSC મેઈન્સનું રિઝલ્ટ જાહેર, વિદ્યાર્થીઓ આવી રીતે ચેક કરી શકશે પોતાનું નામ

• 2022ની UPSC મેઈન્સનું રિઝલ્ટ જાહેર
• સત્તાવાર વેબસાઇટ upsc.gov.in પર જોઈ શકાશે રિઝલ્ટ 
• કુલ 861 જગ્યાઓ ભરવામાં આવશે

યુપીએસસી સિવિલ સર્વિસીસ મેઇન્સ પરીક્ષા 2022નું પરિણામ જાહેર કરવામાં આવ્યું છે. જે ઉમેદવારોએ પરીક્ષામાં ભાગ લીધો હતો તેઓ નીચે જણાવેલ પગલાંઓને અનુસરીને પોતાનું પરિણામ ચકાસી શકે છે. યુપીએસસી સિવિલ સર્વિસીસ પરીક્ષા 2022 દ્વારા કુલ 861 જગ્યાઓ ભરવામાં આવશે. જેમાંથી 34 જગ્યાઓ પીડબ્લ્યુડીબી કેટેગરી માટે અનામત છે. UPSC Mainsનું રિઝલ્ટ જારી થયા બાદ ડિટેલ્ડ એપ્લિકેશન ફોર્મ-2 ભરવામાં આવશે ત્યાર બાદ ઈન્ટરવ્યુ રાઉન્ડ શરુ કરવામાં આવશે. મુખ્ય પરીક્ષા યુપીએસસી દ્વારા 16, 17, 18, 24 અને 25 સપ્ટેમ્બર 2022 ના રોજ દેશભરના પરીક્ષા કેન્દ્રોમાં લેવામાં આવી હતી. 

આવી રીતે જોઈ શકાશે પોતાનું નામ 
સત્તાવાર વેબસાઇટ upsc.gov.in પર જાઓ 
હોમપેજ પર, યુપીએસસી મેઇન્સ 2022 પરિણામ પીડીએફ લિંક પર ક્લિક કરો
યુપીએસસી મેઇન્સ રિઝલ્ટ 2022 રોલ નંબર પ્રમાણે પીડીએફ ખુલશે
પીડીએફ એક્સેસ કરો અને તેને ડાઉનલોડ કરો
ભવિષ્યના સંદર્ભો માટે પ્રિન્ટઆઉટ લો

ક્વોલિફાઇંગ પેપરમાં ઓછામાં ઓછા 25% ગુણ લાવવા પડશે
યુપીએસસી 2022 મુખ્ય પરીક્ષામાં પેપર એ અને બી શામેલ છે અને ઉમેદવારોએ આગળની ભરતી પ્રક્રિયામાં પસંદગી માટે બંને પાસ થવું જરૂરી છે. ક્વોલિફાઇંગ માર્ક્સની વાત કરીએ તો, ઉમેદવારોએ મુખ્ય પરીક્ષા પાસ કરવા માટે દરેક ક્વોલિફાઇંગ પેપરમાં ઓછામાં ઓછા 25% ગુણ મેળવવાના રહેશે.