સમસ્ત પાટીદાર સમાજના યુપીએસસી અને જીપીએસી સાથે અન્ય સ્પર્ધાત્મક પરીક્ષાઓમાં ઉત્તીર્ણ વિદ્યાર્થીઓનો સન્માન સમારોહ યોજાયો હતો. સાથોસાથ યુપીએસસી દિલ્હી બેચ અને જીપીએસસી બેચનો શુભારંભ પણ કરાયો હતો.
ઉમિયા માતાજી સંસ્થાન ઊંઝા એવમ્ સરદારધામ અમદાવાદ દ્વારા સંચાલિત ઉમિયા કેરિયર ડેવલોપમેન્ટ કાઉન્સિલ-(UCDC) સોલાની આગેવાનીમાં 21-7-2019ને રવિવારના રોજ ઉમિયા હોલ, ઉમિયા કેમ્પસ-સોલામાં સમસ્ત પાટીદાર સમાજના દીકરા અને દીકરીઓ GPSC અને UPSC જેવી સ્પર્ધાત્મક પરીક્ષા માટે તૈયારી કરી રહ્યા છે, વર્ષ 2000થી સમસ્ત પાટીદાર સમાજના દીકરા-દીકરીઓને સ્પર્ધાત્મક પરીક્ષાના બધા સોપાનો પાસ કરાવવા માટેના માર્ગદર્શક વર્ગો તેમજ ભવિષ્ય ઘડતર માટેના કેરિયર કાઉન્સેલીંગના વર્ગો અહિં ચાલે છે.
ઉતીર્ણ વિદ્યાર્થીઓને સન્માનિત કરાયા
સમસ્ત પાટીદાર સમાજની આ સંસ્થા તેમજ તેમના પેટા કેન્દ્રો હિંમતનગર, વિજાપુર, પાલનપુર, વિસનગર, સુરેન્દ્રનગર અને સુરત દ્વારા UPSCમાં પાંચથી વધુ વિદ્યાર્થીઓ, GPSC Class 1&2માં 250થી વધુ વિદ્યાર્થીઓ અને વર્ગ-૩માં ત્રણ હજારથી વધુ દિકરા-દિકરીઓ આ સંસ્થાએ રાષ્ટ્રને વિવિધ સરકારી વિભાગ માટે સમર્પિત કર્યા છે. આ ઉતીર્ણ અધિકારીઓને સન્માનિત કરવા અને આવનાર નવી બેચના શુભારંભનો ઉમિયા કેમ્પસ ખાતે કાર્યક્રમ યોજાયો હતો. સમાજના આગેવાનો અને અધિકારીઓ સહિત 500થી વધુ લોકો હાજર રહ્યા હતા.
યુપીએસસી દિલ્હી બેચ અને જીપીએસસી બેચનો શુભારંભ
UCDC દ્વારા વર્ષ 2017-18 અને 2018-19માં UPSC, GPSC Class 1&2, PI, CTO/AOમાં 105થી વધુ વિદ્યાર્થીઓ ઉત્તીર્ણ થયા છે. તેથી તેમની સિદ્ધિઓને બિરદાવવા તેમજ તેમની આ સફળતામાં મદદરૂપ યોગદાન આપનાર અધિકારીશ્રીઓ, સામાજિક અગ્રણીઓ, ફેકલ્ટીશ્રી સર્વેનું અભિવાદન કરાયું હતું. સાથોસાથ UPSC Delhi Batch/GPSC Batch શુભારંભ કાર્યક્રમ યોજાયો હતો.