કાશ્મીરના કુપવાડા જિલ્લામાં 23 વર્ષીય નાદિયા બેગએ સંઘ લોક સેવા પરીક્ષામાં સફળતા મેળવી છે. નાદિયાએ આ પરિક્ષામાં 350મો રેંક મેળવ્યો છે. તેના માતા પિતા સરકારી શિક્ષક છે. નાદિયા નવી દિલ્હીની જામિયા મિલિયા ઈસ્લામિયામાંથી અર્થશાસ્ત્રાની સ્નાતક છે.
કાશ્મીરથી દિલ્હીમાં આવી તૈયારીઓ કરી
ઘણા બધા લોકોને પ્રેરણા મળશે અને આગળ વધશે
નાદિયાએ આ પરિક્ષામાં 350મો રેંક મેળવ્યો છે
નાદિયાએ ઈન્ટર્વ્યુમાં જણાવ્યું કે આ તેનો બીજો પ્રયાસ હતો. મે બહું મહેનત કરી કાશ્મીરથી દિલ્હીમાં આવી તૈયારીઓ કરી. હવે મારી પાસેથી મારા વિસ્તારના ઘણા બધા લોકોને પ્રેરણા મળશે અને આગળ વધશે.
કુપવાડાના પુંજવા ગામમાં 12માં ધોરણની પરિક્ષા પાસ કરીને આઈએએસ બનવાનું સપનું જોયુ હતું. નાદિયા સરકારી સ્કુલમાં ભણી. 12 પાસ કર્યા બાદ જામિયા મિલિયા ઈસ્લામિયામાં જઈ સ્નાતક બની, 2017માં તે ગ્રેજ્યૂએટ થયા બાદ યુપીએસસીની તૈયારી કરી. આ પહેલા તે પહેલા પ્રયાસમાં પ્રીલિમ્સ પણ પાસ કરી શકી નહોતી. પણ હિંમત નહોતી હારી. તેણે સફળતાનો શ્રેય તેના પરિવાર અને ભાઈને આપ્યો. જેમણે તેને પ્રોત્સાહિત કરી.
It’s quite comforting to see young women & men excelling in challenging endeavours in our culture of competition and meritocracy. Congratulations Nadia & all youngesters who made it to Civil Services this year. Jai Hind 🇮🇳 pic.twitter.com/7tCypMC4Rt
તેની બે બહેનો SKIMSમાં MBBS કરી રહી છે અને તેમના ભાઈએ BBA પુરુ કર્યુ છે. જે સિવિલ સર્વિસિઝની તૈયારી કરી રહ્યા છે. નાદિયાએ ઈન્ટરવ્યૂમાં કહ્યું કે ઈન્ટરનેટ બેન હોવાને કારણે વિદ્યાર્થીઓને અભ્યાસમાં મુશ્કેલીનો સામનો કરવો પડી રહ્યો છે. જોકે દિલ્હીમાં આ માટે તેણે તૈયારી કરી હતી. તેની સામે એક સમસ્યા એ પણ હતી કે 5 ઓગસ્ટ બાદ લોકડાઉન થયુ હતું જેથી પરિવારનો સંપર્ક કરી શકી નહોતી.
નાદિયાએ જણાવ્યું કે તેનો વૈકલ્પિક વિષય સમાજશાસ્ત્ર હતો. જેના માટે તેણો કોચિંગ લીધુ હતું બાકીનો અભ્યાસ જાતે કર્યો હતો. વિદ્યાર્થીઓને ટિપ્સ આપતા તેણે કહ્યું કે ધાર્યુ લક્ષ્ય મેળવવા વિદ્યાર્થીઓએ ધ્યાન કેન્દ્રીત કરવું જોઈએ.