વિવાદ / કંઇ જ કાયમી નથી, બની શકે કાલે કેન્દ્રમાં સરકાર...: LG સામેના વિવાદ વચ્ચે કેજરીવાલનું નિવેદન

• દિલ્હી સરકારના શિક્ષકોની વિદેશમાં ટ્રેનિંગ રોકવા મુદ્દે હોબાળો 
• કેજરીવાલ સરકાર અને LG વી.કે. સક્સેના વચ્ચે વિવાદ
• સમય સૌથી બળવાન છે, કંઇ જ કાયમી નથીઃ કેજરીવાલ 

દિલ્હીના શિક્ષકોની વિદેશમાં ટ્રેનિંગ મુદ્દે કેજરીવાલ સરકાર અને એલજી (લેફ્ટનન્ટ ગવર્નર) વિનય સક્સેના ફરી એકવાર આમને-સામને છે. દિલ્હીના મુખ્યમંત્રી અરવિંદ કેજરીવાલે મંગળવારે વિધાનસભામાં આ મુદ્દે કેન્દ્ર સરકાર અને લેફ્ટનન્ટ ગવર્નર વિનય સક્સેના પર આકરા પ્રહારો કર્યા. આ દરમિયાન અરવિંદ કેજરીવાલે કહ્યું હતું કે, સમય સૌથી વધારે બળવાન હોય છે. આજે કેન્દ્રમાં ભાજપની સરકાર છે, કાલે બદલાશે. ભગવાન ઈચ્છશે તો કાલે કેન્દ્રમાં અમારી સરકાર હશે.

આજે કેન્દ્રમાં તેમની સરકાર છે, કાલે બદલાઈ જશેઃ કેજરીવાલ
અરવિંદ કેજરીવાલે કહ્યું કે, સમય બળવાન હોય છે. કશું જ કાયમી નથી. આજે દિલ્હીમા અમારી સરકાર છે, કાલે નહીં હોય. આજે કેન્દ્રમાં તેમની સરકાર છે. કાલે ભગવાન ઈચ્છશે તો કેન્દ્રમાં અમારી સરકાર હશે. દિલ્હીમાં અમારા એલજી હોય. દિલ્હીમાં અમારી, કોંગ્રેસ, બીજેપી અથવા કોઈ બીજાની સરકાર હોય. અમે એ સુનિશ્ચિત કરીશું કે, અમારા એલજી તે સમયની સરકારને તંગ ન કરે. અમે ચૂંટાયેલી સરકારની, લોકોના મતની,  સંવિધાનની ઈજ્જત કરીએ છીએ. 

દિલ્હીના 2 કરોડ લોકો એક પરિવાર છેઃ CM કેજરીવાલ
તેમણે કહ્યું કે, 'દિલ્હીમાં 2 કરોડ લોકો રહે છે, મેં હંમેશા કહ્યું છે કે આ 2 કરોડ લોકો એક પરિવાર છે. આ લોકોના સુખ-દુઃખમાં અમે હંમેશા ઊભા રહીએ છીએ. આ 2 કરોડ લોકોના બાળકોને હું મારા બાળકો જ સમજુ છું'

हमारे लिए जनतंत्र, संविधान और क़ानून सर्वोपरि हैं। LG साहब को भी क़ानून, दिल्ली की जनता और उनके द्वारा चुनी विधानसभा का सम्मान करना चाहिए। दिल्ली विधानसभा में मेरा सम्बोधन। LIVE https://t.co/FKBhz0Pite

— Arvind Kejriwal (@ArvindKejriwal) January 17, 2023

LGએ બે વાર પરત કરી ફાઇલ: અરવિંદ કેજરીવાલ
અરવિંદ કેજરીવાલે કહ્યું, હું દિલ્હીના બાળકોને મારા બાળકો હર્ષિતા અને પુલકિતની જેમ સમજુ છું. શિક્ષણમાં સૌથી મોટો ફાળો શિક્ષકો અને આચાર્યનો છે, તેમને મોટિવેટ કરવા માટે બેસ્ટ ટ્રેનિંગ અપાવી છે. હવે 30 શિક્ષકો અને આચાર્યએ ટ્રેનિંગ માટે ફિનલેન્ડ જવાનું છે અને મુખ્યમંત્રી, શિક્ષણ મંત્રીએ કહીં દીધું કે અમે અમારા શિક્ષકો અને આચાર્યને ટ્રેનિંગ માટે ફિનલેન્ડ મોકલવા માંગીએ છીએ તો વાત પૂરી થઈ જવી જોઈતી હતી. પરંતુ LG સાહેબે ફિનલેન્ડની ફાઈલ બે વખત આપત્તિ દર્શાવીને પાછી કરી દીધી.