પ્રજા જ રાજા / VIDEO: જામનગરમાં ગ્રામીણોએ હોબાળોએ કરી ઘેર્યા તો BJPના સિનિયર નેતાએ સમજાવટ માટે જુઓ શું કર્યું

• જામનગર તાલુકાના નવા નાગના ખાતે ભાજપની સભામાં હોબાળો
• જામનગર ગ્રામ્યના ઉમેદવાર રાઘવજી પટેલનો સ્થાનિકોએ કર્યો ઘેરાવ 
• લોકોની ઉગ્ર રજૂઆત જોઈને રાઘવજી પટેલે સભા અધૂરી છોડી

ગુજરાત વિધાનસભાની ચૂંટણીના પડઘમ વાગી રહ્યા છે. તમામ રાજકીય પક્ષોએ પોતાના ઉમેદવારોના નામ પણ જાહેર કરી દીધા છે. તમામ રાજકીય પક્ષો મતદારોને આકર્ષવા અડીચોટીનું જોર લગાવી રહ્યા છે. તો વિધાનસભાની ચૂંટણી આવે ત્યારે મતદારો પણ જાગૃત બની જતા હોય છે. 

સ્થાનિકો દ્વારા ઉગ્ર વિરોધ
જ્યારે ચૂંટણી આવે છે, ત્યારે ઠાલાં વચનો આપીને ફરી જતા ઉમેદવારો મત લેવા આવે ત્યારે હવે મતદારો પણ ઉમેદવારો અને કાર્યકર્તાઓને રોકડું ફરકાવી રહ્યા છે અને તેમનો વિરોધ કરી રહ્યા છે. આવું જ કંઈક જામનગરમાં જોવા મળ્યું છે. જામનગર જિલ્લામાં ભાજપની સભાનો સ્થાનિકો દ્વારા વિરોધ કરવામાં આવ્યો છે. જામનગર ગ્રામ્ય બેઠકના ઉમેદવાર રાઘવજી પટેલનો સ્થાનિકોએ ઘેરાવ કરીને વિરોધ કર્યો છે. 

રાઘવજી પટેલે સભા અધૂરી છોડી
જામનગરના નવા નાગના ગામે પડતર પ્રશ્નોનું નિરાકરણ ન આવતું હોવાથી ગ્રામજનોએ રાઘવજી પટેલનો ઘેરાવ કર્યો હતો. આ દરમિયાન રાજકીય આગેવાનો તેમજ ઉમેદવારો સમક્ષ લોકો દ્વારા ઉગ્ર રજૂઆતો પણ કરવામાં આવી રહી છે. લાંબા સમયથી સ્થાનિક સમસ્યાઓનું નિરાકરણ ન આવ્યું હોવાથી પ્રચાર અર્થે ગામમાં આવેલા રાઘવજી પટેલને લોકોએ ઉગ્ર રજૂઆત કરતા રાઘવજી પટલે સભા અધૂરી છોડીને ચાલતી પકડી હતી. 

રાઘવજી પટેલનો જામનગર ગ્રામ્યમાં વિરોધ