ડિજિટલ ભારત / UPIની મદદથી માત્ર એક મહિનામાં થઈ 10 લાખ કરોડ રૂપિયાની લેવડદેવડ, 6 અબજ ટ્રાન્ઝેક્શન

• ભારતમાં વધ્યો ઓનલાઈન ટ્રાન્ઝેક્શનનો ક્રેઝ 
• જુલાઈમાં 6.28 બિલિયન  UPI ટ્રાન્ઝેક્શન થયા
• લોકોએ 10.62 ટ્રિલિયન રુપિયાના કર્યાં ટ્રાન્ઝેક્શન 

કેન્દ્રીય નાણામંત્રી નિર્મલા સિતારામણે UPI ટ્રાન્ઝેક્શનને લઈને મોટી માહિતી જાહેર કરી છે. તેમણે કહ્યું કે નેશનલ પેમેન્ટ કોર્પોરેશન ઓફ ઈન્ડિયાનાં ડેટા અનુસાર માત્ર જુલાઈ 2022માં જ UPIની મદદથી  6.28 અબજ ટ્રાન્ઝેક્શન થયા છે અને 10.62  ટ્રિલિયન રૂપિયાની લેવડદેવડ કરાઈ છે જે મહારેકોર્ડ છે.

Delhi | Data released by NPCI shows that UPI reported 6.28 billion transactions worth Rs 10.62 trillion in July 2022. Substantial growth is being seen in transactions on a monthly basis.UPI aims to process one billion transactions a day in the next 5 years: Union Finance Minister pic.twitter.com/8FYhvoEQSe

— ANI (@ANI) September 20, 2022

આગામી પાંચ વર્ષમાં દૈનિક ધોરણે એક બિલિયન યુપીઆઈ ટ્રાન્ઝેક્શન
સીતારામણે કહ્યું કે દર મહિને યુપીઆઈ લેવડદેવડમાં સારો એવો વધારો આવી રહ્યો છે. આગામી પાંચ વર્ષમાં દૈનિક ધોરણે એક બિલિયન યુપીઆઈ ટ્રાન્ઝેક્શન થવાની ધારણા છે.  

ડિઝિટલ બન્યો દેશ
એક મહિનામાં જે પ્રકારે યુપીઆઈ ટ્રાન્ઝેક્શન થયું છે તે ઉપરથી કહી શકાય છે કે ભારત હવે ઝડપથી ડિઝિટલ બની રહ્યો છે. લોકો હવે ઓનલાઈન ટ્રાન્ઝેક્શન તરફ વળવા લાગ્યાં છે અને તે સંપૂર્ણપણે સુરક્ષિત અને સગવડભર્યું છે. 

Google Pay- PhonePe સહિતની પેમેન્ટ સિસ્ટમ યુપીઆઈ આધારિત છે
ઉલ્લેખનીય છે કે યુપીઆઈ સિસ્ટમમાં Google Pay- PhonePe સહિતની ઘણી પેમેન્ટ સિસ્ટમ સામેલ છે. લોકો મન મૂકીને યુપીઆઈનો ઉપયોગ કરી રહ્યાં છે.