એલર્ટ! / UPIથી પેમેન્ટ કરતી વખતે સાવધાન, નહીં તો એક ભૂલ પડી શકે છે ભારે; આ રીતે કરો સુરક્ષિત ટ્રાન્ઝેક્શન

• UPIના આધારે ટ્રાન્ઝેક્શન કરતા પહેલાં સાવચેત રહેજો
• પેમેન્ટ રિસીવ કરતી વખતે PIN એન્ટર કરવાની જરૂર નથી
• ખોટી આઇડીથી પેમેન્ટ રિક્વેસ્ટ કરવાનું ટાળો

યુનિફાઈડ પેમેન્ટ ઈન્ટરફેસ (UPI) નું ચલણ છેલ્લાં કેટલાંક વર્ષોમાં સતત તેજીથી વધી રહ્યું છે. તે સરળ પણ છે અને કેશલેસ વ્યવહાર માટે સૌથી યોગ્ય ઓનલાઈન માધ્યમ પણ સાબિત થયું છે. પરંતુ કહેવાય છે ને કે દરેક સારી વસ્તુની જેમ તેની પાછળ પણ તેના કેટલાંક નકારાત્મક કારણો હોય છે, આથી UPI ને યુઝ કરવાની સાથે-સાથે તેમાં છેતરપિંડીની શક્યતાઓ પણ વધારે રહેલી છે. આવી સ્થિતિમાં, અમે તમને અહીં જણાવીશું કે આખરે યુપીઆઈનો ઉપયોગ કરતી વખતે તમારે કઈ-કઇ બાબતોનું ધ્યાન રાખવું જોઈએ.

પેમેન્ટ રિસીવ કરતી વખતે PIN એન્ટર કરવાની જરૂર નહીં પડે - ધ્યાનમાં રાખવા જેવી બાબત

કોઈ પણ બેંક તમારી પાસેથી પેમેન્ટની ચુકવણી કરવાના બદલે PIN નથી માંગતી અને જો તમને ક્યાંયથી પણ પેમેન્ટ મળે છે તો તેના બદલામાં પિન નાખવાની જરૂરિયાત નથી હોતી. જો તમને આવું કહેવામાં આવે છે તો તેની પાછળ ફ્રોડ એટલે કે છેતરપીંડી કરવાની સંપૂર્ણ કોશિશ હોઇ શકે છે. તમે જેવો પિન નાખશો કે તુરંત તમારા એકાઉન્ટમાંથી પૈસા કપાઇ જવાની પૂરેપૂરી આશંકા હોય છે. જો ક્યાંયથી પણ પૈસા આવે છે તો તેની માટે પિન નાખવાની જરૂરિયાત નથી હોતી.

અજાણ્યા નંબરો પરથી પેમેન્ટ લેવાની રિક્વેસ્ટ એક્સેપ્ટ કરવાથી બચો

જો તમારી પાસે કોઇ અજાણ્યા નંબર પરથી પેમેન્ટ લેવાની રિક્વેસ્ટ આવે તો પહેલાં ચેક કરી લો કે તમારે જેને પેમેન્ટ કરવાનું છે આ તે જ વ્યક્તિ છે. નંબર નાખતા જ રિસીવરની બેંક અને નામ તમારી UPI સ્ક્રીન પર આવી જાય છે તો તેને કન્ફર્મ કરી લો કે તમારે આની પર જ પેમેન્ટ કરવાનું છે કે નહીં.

ખોટી આઇડીથી પેમેન્ટ રિક્વેસ્ટને ડિક્લાઇન કરો એટલે કે રદ કરી દો

UPI એપમાં સુરક્ષા ખાતર સ્પૈમ ફિલ્ટરને ઓન રાખો કારણ કે તે આવી પેમેન્ટ રિક્વેસ્ટને ટ્રેક કરી શકે છે કે જે સ્પૈમ આઇડીમાંથી આવે છે. આવી રિક્વેસ્ટ આવવા પર UPI એપ્લિકેશનથી તમને વોર્નિંગ પણ મળે છે તો તેને ડિક્લાઇન એટલે કે રદ કરી દો. ખોટી આઇડીથી પેમેન્ટ રિક્વેસ્ટ આવવા પર તેને તુરંત ડિક્લાઇન કરી દો એટલે કે રદ કરી દો.