NPCI માર્ગદર્શિકા દ્વારા દૈનિક UPI ટ્રાન્ઝેક્શનની સાથે જ UPI ટ્રાન્સફરની સંખ્યા પણ મર્યાદિત કરવામાં આવી છે.
પૈસા ચૂકવવા માટે હવે ક્રેડિટ કાર્ડ કે ડેબિટ કાર્ડની જરૂર નથી રહેતી
બેંકોએ 1 લાખ રૂપિયાની દૈનિક UPI ટ્રાન્ઝેક્શન મર્યાદા નક્કી કરી છે
UPI ટ્રાન્સફરની સંખ્યા પણ મર્યાદિત કરવામાં આવી છે
યુનિફાઈડ પેમેન્ટ ઈન્ટરફેસ એટલે કે UPI થી આજકાલ નાણાં ટ્રાન્સફર કરવાની ખૂબ જ લોકપ્રિય રીત બની ગઈ છે. વધતા જતા ડિજિટલાઈઝેશન સાથે આજકાલ એક ખાતામાંથી બીજા ખાતામાં પૈસા ટ્રાન્સફર કરવાનું ખૂબ જ સરળ બની ગયું છે.UPI દ્વારા કોઈ વ્યક્તિને પૈસા ચૂકવવા માટે તમારે ક્રેડિટ કાર્ડ કે ડેબિટ કાર્ડની પણ જરૂર નહીં પડે.આ કામ તમે ઘરે બેઠા બેઠા તમારા મોબાઈલ નંબરથી પણ કરી શકો છો. આજકાલ લોકો UPI એપ્સ જેમ કે Google Pay, Phone Pe, Paytm વગેરે દ્વારા સરળતાથી પૈસા ટ્રાન્સફર કરી શકે છે.
આપણે બધા જાણીએ છીએ કે નેશનલ પેમેન્ટ્સ કોર્પોરેશન ઓફ ઈન્ડિયા એટલે કે એનપીસીઆઈએ થોડા વર્ષો પહેલા યુનિફાઈડ પેમેન્ટ્સ ઈન્ટરફેસ ( યુપીઆઈ ) લોન્ચ કર્યું હતું અને UPI એ બેંક-ટુ-બેંક મની ટ્રાન્સફરને સરળ અને સુરક્ષિત બનાવ્યું છે. અંહિયા મહત્વની વાત એ છે કે આ સાથે સરકારે દૈનિક વ્યવહારો પર મર્યાદા નક્કી કરી છે. જણાવી દઈએ કે NPCI માર્ગદર્શિકા અનુસાર વ્યક્તિ UPI દ્વારા દરરોજ મહત્તમ 1 લાખ રૂપિયા સુધીની ચુકવણી કરી શકે છે. જો કે આ મર્યાદા દરેક બેંકમાં સરખી નથી હોતી. તે બેંકથી બેંકમાં બદલાય છે. જેમ કે કેનેરા બેંક જેવી નાની બેંકો માત્ર 25,000 રૂપિયાની મંજૂરી આપે છે જ્યારે SBI જેવી મોટી બેંકોએ 1 લાખ રૂપિયાની દૈનિક UPI ટ્રાન્ઝેક્શન મર્યાદા નક્કી કરી છે.આ સાથે UPI ટ્રાન્સફરની સંખ્યા પણ મર્યાદિત કરવામાં આવી છે.
ડેઇલી UPI ટ્રાન્જેકશન લિમિટ
- મની ટ્રાન્સફર મર્યાદાની સાથે UPI ટ્રાન્સફરની સંખ્યા પર પણ એક મર્યાદા છે જે એક દિવસમાં કરી શકાય છે. જણાવી દઈએ કે દૈનિક UPI ટ્રાન્ઝેક્શન મર્યાદા 20 રાખવામાં આવી છે.
- મર્યાદા પૂરી થયા પછી લિમિટ રિન્યૂ કરવા માટે 24 કલાક રાહ જોવી પડશે. જો કે બેંકની ગાઈડલાઈન મુજબ દરેક બેંકની લિમિટ આ માંતે અલગ અલગ હોઈ શકે છે.
- આ સાથે જ Google Pay 10 UPI પેમેન્ટ ટ્રાન્જેકશન લિમિટ સાથે બેંક ખાતાઓમાં દરરોજ રૂ. 1,00,00 સુધીના નાણાં ટ્રાન્સફર કરવાની મંજૂરી આપે છે.
- આ સાથે જ જો કોઈ વ્યક્તિ રૂ. 2,000 થી વધુ રકમની રિક્વેસ્ટ મોકલે છે તો GPay ડેઇલી ટ્રાન્જેક્શન રોકી દે છે.
- આ સિવાય PhonePe એ દૈનિક UPI પેમેન્ટ ટ્રાન્ઝેક્શનની મર્યાદા રૂ. 1,00,000 નક્કી કરી છે. જો કે આ મર્યાદા દરેક બેંકમાં અલગ હોઈ શકે છે.
- આ સાથે વ્યક્તિ PhonePe UPI દ્વારા દરરોજ વધુમાં વધુ 10 અથવા 20 ટ્રાન્ઝેક્શન કરી શકે છે.
- GPay ની જેમ PhonePe પણ દરરોજ 2,000 રૂપિયા સુધીની નાણાંની વિનંતીઓને મંજૂરી આપે છે.
- Paytm UPI યુઝર્સને 1 લાખ રૂપિયા સુધીના પૈસાની લેવડદેવડ કરવાની મંજૂરી આપે છે.
- આ સાથે જ Amazon Pay UPI દ્વારા મહત્તમ મની ટ્રાન્સફર મર્યાદા રૂ. 1,00,000 નક્કી કરી છે.
- એમેઝોન પે યુપીઆઈ માટે રજીસ્ટર કર્યા પછી યુઝર્સ ફક્ત પ્રથમ 24 કલાકમાં 5,000 રૂપિયા સુધીનો વ્યવહાર કરી શકે છે.
- બેંકના આધારે ડેઇલી UPI ટ્રાન્જેકશન લિમિટ 20 સુધી નક્કી કરવામાં આવી છે.