તમારા કામનું / UPI 123પે દ્વારા ઈન્ટરનેટ વગર જ કરી શકો ઓનલાઈન પેમેન્ટ, જાણો સ્ટેપ બાય સ્ટેપ પ્રોસેસ

UPI Payment : વર્ષ 2016માં યુનિફાઈડ પેમેન્ટ ઈન્ટરફેસ એટલે કે UPIએ વ્યવહારોની રીત બદલી નાખ્યા બાદ હવે પછી ભલે લોકોએ કોઈને પૈસા મોકલવા હોય કે કોઈ પણ વસ્તુ માટે પેમેન્ટ કરવું હોય. UPIની મદદથી લોકો આ કામ માત્ર થોડી જ સેકન્ડમાં કરી શકે છે. પરંતુ આ માટે ઇન્ટરનેટ કનેક્શનની જરૂર છે. પરંતુ તમે UPAI 123Pay ની મદદથી ઇન્ટરનેટ વિના UPI નો ઉપયોગ કરી શકો છો.

ઇન્ટરનેટ વગર UPI પેમેન્ટ કરો

નેશનલ પેમેન્ટ્સ કોર્પોરેશન ઓફ ઈન્ડિયા એટલે કે NPCI એ વર્ષ 2016 માં ભારતમાં UPI લોન્ચ કર્યું હતું. UPIની શરૂઆતથી વર્ષ-દર વર્ષે વપરાશકર્તાઓમાં વધારો થયો છે. અને તેમાં નવી સુવિધાઓ ઉમેરાતી રહી. જેના કારણે પેમેન્ટની પદ્ધતિ સરળ બની છે. જોકે દેશના નાના શહેરો અને દૂરના ગામડાઓમાં UPI એટલું સક્રિય અને સફળ બન્યું નથી. કારણ કે ત્યાં ઈન્ટરનેટની સુવિધા વધારે નથી. પરંતુ વર્ષ 2022માં NPCIએ UPI 123pay લોન્ચ કર્યું જે ઇન્ટરનેટ વિના પણ કામ કરે છે. આ માટે UPI ID નો ઉપયોગ કરવા માટે તમારે ઇન્ટરનેટ અથવા સ્માર્ટફોનની જરૂર પડશે નહીં. ફોનમાં રિઝર્વ બેંક ઓફ ઈન્ડિયા અને NPCIની મદદથી બનેલ 123pay ફીચરનો ઉપયોગ કરી શકાય છે.

UPI 123pay નો ઉપયોગ કેવી રીતે કરવો ?

UPI 123Pay નો ઉપયોગ કરવા માટે કોઈપણ ફીચર ફોનનો ઉપયોગ કરી શકાય છે. આ માટે તમારે તમારા ફીચર ફોનમાંથી *99# પ્રેસ કરવાનું રહેશે. આ પછી તમારી સામે બેંકોનું લિસ્ટ ખુલશે. બેંકની યાદી ખુલ્યા પછી, તમારે બેંક પસંદ કરવી પડશે અને પછી તમારા ડેબિટ કાર્ડના છેલ્લા છ અંકો અને સમાપ્તિ તારીખ દાખલ કરવી પડશે. આ પછી તમારે તમારો UPI પિન સેટ કરવાનો રહેશે. આ પછી તમારું UPI ID એક્ટિવેટ થઈ જશે અને તમે UPI 123pay નો ઉપયોગ કરી શકો છો.

વધુ વાંચો : તમને આવા નંબરથી મિસ્ડ કોલ આવે તો ભૂલથી પણ કોલ બેક ન કરો, બનશો આ સ્કેમના શિકાર

આ નંબરો દ્વારા ચુકવણી કરવામાં આવશે

વપરાશકર્તાઓ પહેલેથી જ આપેલા IVR નંબરો 080 4516 3666, 080 4516 3581, 6366 પર કૉલ કરીને વ્યવહારો કરી શકે છે. આ સિવાય બેંકો દ્વારા આપવામાં આવેલા નંબર પર મિસ્ડ કોલ આપીને પણ પેમેન્ટ કરી શકાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ