તમારા કામનું / ....નહીં તો રહી જશો આ સરકારી યોજનાઓની વંચિત! આજે જ આધાર કાર્ડને અપડૅટ કરી દો

• UIDAI એ આધાર કાર્ડને લઈને એક ચેતવણી જારી કરી
•  આધાર કાર્ડમાં હંમેશા POI અને POA અપડેટ રાખો
• અપડેટ માટેની ઓનલાઈન પ્રક્રિયાની ફી 25 રૂપિયા

જો તમારું પણ આધાર કાર્ડ અપડેટ ન થયું હોય તો જલ્દીથી અપડેટ કરાવી લો નહીં તો તમે સરકારી યોજનાઓનો ઘણા લાભ લેવાથી વંચિત રહી જશો. જણાવી દઈએ કે યુનિક આઈડેન્ટિફિકેશન ઓથોરિટી ઓફ ઈન્ડિયા એટલે કે UIDAI એ આધાર કાર્ડને લઈને એક ચેતવણી જારી કરતાં કહ્યું છે કે જો તમને કોઈ સરકારી કે બિનસરકારી યોજનાનો લાભ મળે છે અને તમે તેને ચાલુ રાખવા માંગો છો તો તેના માટે આધાર કાર્ડમાં હંમેશા POI અને POA અપડેટ રાખો. જો તમારું POI અને POA અપડેટ કરવામાં આવ્યું નથીતો તેને શક્ય તેટલી વહેલી તકે અપડેટ કરી લો. જણાવી દઈએ કે તે અપડેટ માટેની ઓનલાઈન પ્રક્રિયાની ફી 25 રૂપિયા છે. એટલા માટે જો તમારે સરકારી યોજનાઓનો લાભ લેવામાં કોઈ સમસ્યાનો સામનો ણથી કરવો તો ફટાફટ આધાર અપડેટ કરો

જણાવી દઈએ કે જો આધાર કાર્ડમાં આ માહિતી ઑફલાઇન અપડેટ કરવામાં આવે છે, તો તેની ફી 50 રૂપિયા છે. આપણએ બધા જાણીએ છીએ કે આધાર કાર્ડ આપણા દેશમાં સૌથી લોકપ્રિય અને વિશ્વસનીય દસ્તાવેજ છે. દરેક નાના-મોટા કામમાં તેની જરૂર પડે છે અને આવી સ્થિતિમાં તેને દરેક સમયે અપડેટ રાખવું પણ જરૂરી છે.

આ દસ્તાવેજો POI અપડેટ માટે ફરજિયાત 
POI અને POA ને પ્રૂફ ઓફ આઇડેન્ટિટી અને પ્રૂફ ઓફ એડ્રેસ પણ કહેવામાં આવે છે. AADHAAR દ્વારા 1 જુલાઈ 2022 ના રોજ જારી કરવામાં આવેલી નોટિસ અનુસાર પ્રૂફ ઓફ આઇડેન્ટિટી એટલે કે POI અપડેટ માટે આવા દસ્તાવેજની જરૂર છે જેમાં નામ અને ફોટો હોય. પાન કાર્ડ, ઈ-પાન, રેશનકાર્ડ, મતદાર આઈડી, ડ્રાઈવિંગ લાયસન્સ, આર્મ લાયસન્સ, ફોટો બેંક એટીએમ કાર્ડ, ફોટો ક્રેડિટ કાર્ડ, લગ્નનું પ્રમાણપત્ર, ખેડૂત ફોટો પાસબુક સહિતના ઘણા દસ્તાવેજો અપડેટ કરાવવા માટે પુરાવા તરીકે સબમિટ કરી શકાય છે. 

આ દસ્તાવેજો POA અપડેટ માટે ફરજિયાત 
પ્રૂફ ઓફ એડ્રેસ માટે એટલે કે POA અપડેટ માટે, આવા દસ્તાવેજની આવશ્યકતા છે જેમાં તમારું નામ અને સરનામું હોય. આ માટે પાસપોર્ટ, બેંક સ્ટેટમેન્ટ, રેશન કાર્ડ, મતદાર કાર્ડ, ડ્રાઇવિંગ લાઇસન્સ, પેન્શનલ કાર્ડ, કિસાન પાસબુક, ડીબીલીટી કાર્ડ, મનરેગા કાર્ડ, માન્ય શાળા ઓળખ વેલીડ સ્કૂલ આઇડેન્ટિટીકાર્ડ, શાળા છોડવાનું પ્રમાણપત્ર, વીજળી બિલ, પાણીનું બિલ, લેન્ડલાઇન ટેલિફોન બિલ, પોસ્ટપેડ મોબાઇલ બિલ જેવા ઘણા દસ્તાવેજો પુરાવા તરીકે સબમિટ કરી શકાય છે.

આધાર કાર્ડ અપડેટ ચાર્જીસ
આધાર કાર્ડમાં ઘણી બધી માહિતી છે અને દરેક માહિતી અપડેટ કરી શકાય છે. જો નામ, લિંગ, જન્મતારીખ, સરનામું અને ભાષામાં ફેરફાર હોય તો તે ઓનલાઈન શક્ય છે. જો કે, ઓનલાઈન અપડેટ માટે રજિસ્ટર્ડ મોબાઈલ નંબર હોવો જરૂરી છે. જો રજિસ્ટર્ડ મોબાઈલ નંબર અપડેટ ન થયો હોય તો પહેલા તેને અપડેટ કરાવો. ઓનલાઈન અપડેટનો ચાર્જ રૂ.25 છે. જો ફોટો અને મોબાઈલ નંબર અપડેટ કરવો હોય તો ઓફલાઈન શક્ય છે. આનો ચાર્જ 50 રૂપિયા છે.