તમારા કામનું / EPFના નાણાં જોઈએ તો આજે જ પતાવી લો આ કામ, જો ચૂકી ગયા તો કોઈ લાભ નહીં મળે

• પીએફ UANને આધારથી લિંક કરવું જરૂરી
• 1 સપ્ટેમ્બર છે છેલ્લી તારીખ 
• ઈપીએફ એકાઉન્ટમાં આધાર ડિટેલ્સ અપડેટ કરાવવી કેમ જરૂરી 
   

હવે EPF સબ્સક્રાઈબર્સને પોતાના પીએફ એકાઉન્ટના આધાર સાથે લિંક કરવા માટે સપ્ટેમ્બર મહિના સુધીનો સમય છે. કર્મચારી ભવિષ્ય નિધિ સંગઠન (EPFO)ના દરેક પીએફ UANને આધારથી લિંક કરવું જરૂરી કરી દીધુ છે. પહેલા આ ડેડલાઈન 1 જૂન 2021 સુધીની કરવામાં આવી હતી ત્યાર બાદ તેને વધારીને 1 સપ્ટેમ્બર કરી દેવામાં આવી છે. 

શ્રમ મંત્રાલયે સોશિયલ સિક્યોરિટી કોડ, 2020ની સેક્શન 142 હેઠળ આ નિયમોને લાગુ કર્યા છે. સેક્શન 142ની જોગવાઈ હેઠળ કોઈ સંગઠિત અથવા અસંગઠિત ક્ષેત્રમાં કામ કરનાર કર્મચારીને સોશિયલ સિક્યોરિટી કોડના હેઠળ સુવિધાઓનો લાભ આપવા માટે આધાર દ્વારા પોતાની ઓળખ સ્થાપિત કરવાની રહેશે. 

દરેક પ્રકારના બેન્ક એકાઉન્ટ, પીપીએફ એકાઉન્ટ અને ઈપીએફ એકાઉન્ટથી પેન અને આધારને લિંક કરાવવું બેસિક 'નો યોર કસ્ટમર' (KYC) પ્રક્રિયાનો ભાગ છે. જો આમ ન કરવામાં આવ્યું તો કર્મચારીના પીએફ એકાઉન્ટમાં ન તો વ્યાજ ક્રેડિટ કરવામાં આવશે અને ન તો વિડ્રોલ ક્લેમ કરી શકાશે. 

મંત્રાલયના સેક્શન 142ને નોટિફાઈટ કરી દીધુ છે
ગયા વર્ષે કેન્દ્ર સરકારે સોશિયલ સિક્યોરિટી કોડમાં સંશોધન કર્યું હતું. જે હેઠળ સામાજીક સુરક્ષા સાથે જોડાયેલા કાયદામાં ફેરફાર કરવામાં આવ્યો અને તેમાંથી નવો કોડ બનાવવામાં આવ્યો છે. જોકે અત્યાર સુધી કાયદાને લાગુ નથી કરવામાં આવ્યો. પરંતુ આ કોડના સેક્શન 142ને શ્રમ અને રોજગાર મંત્રાલયએ 3 જૂને જ નોટિફાઈડ કરી દીધુ છે. આ હેઠળ સંગઠિત અથવા અસંગઠિત ક્ષેત્રમાં કામ કરનાર કર્મચારીઓને આ સ્કીમના હેઠળ રજીસ્ટ્રેશન અથવા કોઈ અન્ય લાભ લેવા માટે આધાર નંબર હોવો જરૂરી છે. 

ECR ફાઈલિંગની તારીખ વધી 
આ ઉપરાંત સરકારે ઈલેક્ટ્રોનિક ચલાન કમ રિસીપ્ટ (ECR) અથવા પીએફ રિટર્નને આધાર વેરિફાઈર્ડ યુએએનને લાગુ કરવાની તારીખ પણ 1 સપ્ટેમ્બર 2021 સુધી વધારી દેવામાં આવી છે. ઈપીએફઓની તરફથી આ વિશે નોટિફિકેશન જાહેર કરવામાં આવી છે.  આ પહેલા ઈપીએફઓએ કહ્યું હતું કે પીએફ યુએએનથી આધાર વેરિફિકેશન પુરૂ કરનાર કર્મચારીઓનું જ ઈસીઆર ફાઈલ કરવામાં આવશે. 

જોકે તેમાં એવું પણ કહેવામાં આવ્યું છે કે નિયોક્તા પીએફ યુએએનનો આધાર નહીં લિંક કરનાર કર્મચારીનું ઈસીઆર અલગથી ફાઈલ કરી શકે છે. નિયોક્તા દ્વારા આ ફાઈલિંગ ત્યારે જ કરી શકાય જ્યારે આ કર્મચારી પોતાના આધારને પીએફ યુએએન સાથે લિંક કરી લેશે.  

નહીં મળે ઈપીએફ એકાઉન્ટનો લાભ 
જો કોઈ કર્મચારીએ પોતાના ઈપીએફ એકાઉન્ટમાં આધાર ડિટેલ્સ અપડેટ નથી કરી તો તેમને આ સ્કીમની હેઠળ કોઈ લાભ નહીં મળી શકે. તેમાં કોવિડ-19 એડવાન્સ અને પીએફ એકાઉન્ટથી લિંક ઈન્શ્યોરન્સ બેનિફિટ પણ શામેલ છે. 

ઈપીએફ એકાઉન્ટમાં આધાર ડિટેલ્સ અપડેટ કરાવવી કેમ જરૂરી 
હકીકતે ઈપીએફઓ પોતાના સબ્સક્રાઈબર્સને દરેક કામકાજને ઓનલાઈન કરવાની તૈયારી કરી રહ્યું છે. તેમાં KYC અપડેટ કરવાનું, એડવાન્સ અથવા વિડ્રોલની અરજી સહિત દરેક પ્રકારના ફાયદા શામેલ છે. એવામાં સબ્સક્રાઈબર્સને ઓળખને વેરિફાઈ કરવી જરૂરી છે. માટે ઈપીએફ એકાઉન્ટમાં આધાર અપડેટ કરવું જરૂરી કરી દેવામાં આવ્યું છે.