બેંકિંગ / SBI ના ગ્રાહકો માટે મોટી સુવિધા, હવે જાતે જ કોઇપણ સમયે કરાવી શકશો પાસબુક અપડેટ

• ભારતીય સ્ટેટ બેંકના ગ્રાહકોને હવે પાસબુક અપડેટ કરાવવા માટે લાઇનમાં ઉભા રહેવુ પડશે નહી
• મશીનની મદદથી ગ્રાહકોને બારકોડ ટેક્નોલોજીની મદદથી પાસબુકને પ્રિન્ટ કરવાની સુવિધા આપે છે
• સેવિંગ્સ, રેકરિંગ ડિપોઝિટની સાથે જ PPF એકાઉન્ટની પાસબુક કોઇ પણ સમયે કરી શકાશે પ્રિન્ટ

આ સુવિધાથી ગ્રાહકોને સેવિંગ્સ, રેકરિંગ ડિપોઝિટની સાથે સાથે PPF એકાઉન્ટની પાસબુક પણ કોઇપણ સમયે પ્રિન્ટ કરાવી શકો છો. બ્રાન્ચ ટાઇમિંગ પૂરો થયા પછી પણ ગ્રાહકો આ સુવિધાનો લાભ લઇ શકે છે.

SBI પોતાના ઑફિશ્યલ ટ્વીટર એકાઉન્ટ પરથી ટ્વીટ કરીને જાણકારી આાપી કે, પોતાની પાસબુક અપડેટ કરાવવા માટે કોઇ લાઇનમાં ઉભા રહેવાની જરૂર નથી. ઑટોમોડ પાસબુક પ્રિન્ટિંગ મશીનની મદદથી તમે પોતે પાસબુકને થોડી ક્લિકમાં અપડેટ અને પ્રિન્ટ કરી શકો છો. આ સિવાય SBI એ કહ્યુ કે, YONO લાઇટ એપમાં એમ-પાસબુકમાં પોતાની પાસબુક જોઇ શકો છો.

No need to wait in a queue to update your passbook. With Swayam - the Automated Passbook Printing machine, have it updated and printed in just a few clicks. Additionally, you could also update your passbook via m-Passbook feature in YONO Lite app.#SBI #DigitalIndia #GoDigital pic.twitter.com/H79IMUTMGm

— State Bank of India (@TheOfficialSBI) 16 December 2019

આ રીતે કરે છે કામ

- બારકોડ સ્ટિકર માટે પોતાની બ્રાન્ચમાં જાઓ.

-  કાયોસ્ક તમારી ભાષાની પસંદ કરો.

- તમારા પાસબુકનું છેલ્લુ પ્રિન્ટેડ પેજ એન્ટર કરો.

- જો પ્રિન્ટિંગ એક પાનાથી વધારે છો તો તેને ફેરવી દો. 

- આ સુવિધાથી લાંબી લાઇનમાં પણ ઉભા રહેવુ પડશે નહી અને સાથે જ સરળતાથી કામ પણ થઇ જશે.

YONO લાઇટ એપમાં એમ-પાસબુકની મદદથી આ રીતે જુઓ પાસબુક

- SBI ની YONO એપ પર લોગઇન કરો.

- 'Accounts' બટન પર ક્લિક કરો.

- આ પછી 'My Balance' પર ક્લિક કરો.

- સેવિંગ એકાઉન્ટની પસંદગી કરો. 

- આ ક્લિક કર્યા પછી તમે તમામ ટ્રાન્ઝેક્શન્સ જોઇ શકો છો, જે એમપાસબુકમાં છે.

ઉલ્લેખનીય છે કે, સેલ્ફ સેવિંગ પાસબુક પ્રિન્ટર એક ઑટોમેટેડ મશીન છે, જેમાં ગ્રાહકો પોતે પાસબુક પ્રિન્ટ કરી શકે છે. આ એક સ્પેશિયલ મશીન છે.