જો તમે તમારી વર્તમાન નોકરી છોડીને બીજી કંપનીમાં નવી નોકરી શરૂ કરો છો, તો તમારે તમારા EPF ખાતામાં જોબ છોડવાની તારીખ અપડેટ કરવી પડશે. તમે નોકરી છોડવાની તારીખ બે મહિના સુધીમાં અપડેટ કરી શકો છો. આ માટે તમારે ક્યાંય જવાની જરૂર નથી. તમે ઘેરે બેઠા ઓનલાઈન અપડેટ કરી શકશો. જે માટે EPFએ ઓનલાઇન પ્રક્રિયા શરૂ કરી છે.
એક ટ્વિટમાં, EPFOએ આ વિશે માહિતી આપતો એક વીડિયો પણ શેર કર્યો છે. જેમાં જોબ છોડ્યાની તારીખ અપડેટ કરવાની સંપૂર્ણ પદ્ધતિ વિડિઓમાં સમજાવવામાં આવી છે. EPFOનું કહેવું છે કે જો તમે બીજી કંપનીમાં જોબ જોઇન કરો છો અને PF ટ્રાન્સફર કરવા માંગો છો તો તે પહેલા જૂની કંપનીમાંથી નોકરી છોડવાની તારીખ EPF એકાઉન્ટમાં અપડેટ કરવી પડશે.
Employees can now update their Date of Exit on their own.
તારીખ અપડેટ કરવાની આ સુવિધા આધાર સાથે જોડાયેલા મોબાઈલ નંબર પર પ્રાપ્ત OTP પરથી ઉપલબ્ધ છે. તેથી, આ સુવિધા ફક્ત તે લોકો જ મેળવી શકે છે જેમણે તેમનું UAN સક્રિય કર્યું હોય અને UANને આધાર સાથે લિંક કર્યું હોય. જો મોબાઈલ નંબર આધાર સાથે લિંક હશે તો EPFનો OTP તે મોબાઇલ નંબર પર જશે.
કેવી રીતે કરશો એક્ઝિટ ડેટ અપડેટ
મેમ્બર સર્વિસ પોર્ટલ પર લોગિન કરો .https://unifiedportal-mem.epfindia.gov.in/memberinterface/
મેનેજ બટન પર ક્લિક કરો અને માર્ક એક્ઝિટ પર ક્લિક કરો, સિલેક્ટ એમ્પ્લોયમેન્ટ ડ્રોપડાઉન પર જઈને પીએફ એકાઉન્ટ નંબર પસંદ કરો.
એક્ઝિટ ડેટ અને નોકરી છોડવાનું કારણ પણ દાખલ કરો
રિક્વેસ્ટ OTP પર ક્લિક કરો અને આધાર સાથે લિંક કરેલા મોબાઈલ પર મળેલ OTP દાખલ કરો.
ચેક બોક્સ પસંદ કરો અને અપડેટ પર ક્લિક કરો, પછી OK ક્લિક કરો.
હવે તમારા મોબાઈલ પર એક મેસેજ આવશે જેમાં કહેવામાં આવશે કે તમે અગાઉની કંપનીમાંથી નોકરી છોડવાની તારીખ સફળતાપૂર્વક અપડેટ કરી લીધી છે.