આ વર્ષે ઈન્સ્ટન્ટ મેસેજિંગ એપ WhatsAppમાં ઘણાં નવા ફીચર્સ આવ્યા હતા. કેટલાક પ્રાઈવસી પર કેન્દ્રિત રહ્યા તો કેટલાક ફીચર્સ યુઝર ઈન્ટરફેસથી જોડાયેલા રહ્યા છે. હવે ગ્રુપને પહેલાં કરતાં વધુ પ્રાઈવેટ બનાવી દેવામાં આવ્યું છે, જેમાં તમારી પરમિશન વિના કોઈ જ તમને ગ્રુપમાં એડ કરી ન શકે. પણ હવે વર્ષ 2020માં કેટલાક ખાસ ફીચર્સ વોટ્સએપ યુઝર્સને મળી શકે છે.
ન્યૂ યરમાં વોટ્સએપ યુઝર્સને આપશે ગિફ્ટ
વર્ષ 2020માં વોટ્સએપમાં મળી શકે છે આ ખાસ ફીચર્સ
Disappearing Messageનો મળી શકે છે ઓપ્શન
ડાર્ક મોડમાં મળશે ત્રણ ઓપ્શન
વર્ષ 2020માં કંપનીએ કેટલાક નવા ફીચર્સ લાવવાની તૈયારી કરી લીધી છે. જે વોટ્સએપ યુઝ કરવાનો અનુભવ બદલી દેશે. જેમાં સૌથી મોટું ફીચર ડાર્ક મોડનું હોઈ શકે છે, પરંતુ તેનાથી પણ મહત્વનું ફીચર Disappearing Message હોઈ શકે છે. રિપોર્ટ મુજબ, વોટ્સએપ દ્વારા આ બંને ફીચર્સની ટેસ્ટિંગ ચાલી રહી છે. જ્યારે ડાર્ક મોડ એન્ડ્રોઈડના બીટા વર્ઝનમાં શરૂ થઈ ચૂક્યું છે અને તેની અંદર ત્રણ ઓપ્શન આપવામાં આવ્યા છે.
મલ્ટિપલ ડિવાઈસ સપોર્ટ
આ ફીચર પર કંપની કામ કરી રહી છે. આશા છે કે, 2020માં આ ફીચર આવી જશે. આમાં વોટ્સએપ અકાઉન્ટને એકસાથે એકથી વધુ ડિવાઈસ અથવા સ્માર્ટફોનમાં ચલાવી શકાશે.
સ્ટેટ્સ ફોર ક્લોઝ ફ્રેન્ડ્સ
ઈન્સ્ટાગ્રામમાં આ ફીચર આપવામાં આવ્યું છે. ક્લોઝ ફ્રેન્ડ્સ માટે કસ્ટમ સ્ટેટ્સનો ઓપ્શન વોટ્સએપમાં પણ મળી શકે છે.
એપ બ્રાઉઝર
વોટ્સએપ 2020માં એપ બ્રાઉઝરનો ઓપ્શન પણ આપી શકે છે. Android Beta વર્ઝનમાં સૌથી પહેલાં આ ફીચર આવ્યું હતું. જેમાં કોઈ લિંકને ઓપન કરવા પર વોટ્સએપના ઈન્ટફેસમાંથી બહાર જવાની જરૂર નહીં પડે.
સર્ચ ઈમેજ ફીચર
વોટ્સએપ એક એવા ફીચરની પણ ટેસ્ટિંગ કરી રહ્યું છે જેમાં યુઝર્સ સેન્ડ કરેલી અને રિસીવ કરેલી ઈમેજ વોટ્સએપમાં સરળતાથી સર્ચ કરી શકે છે. એવું કહેવાય છે કે આ ફીચર ગૂગલ ઈમેજ સર્ચને યુઝ કરશે.
Boomrang ફીચર
ઈન્સ્ટાગ્રામ યુઝર્સમાં આ ફીચર બહુ જ લોકપ્રિય છે. વીડિયો લૂપ બનાવવા માટે આ ફીચરનો ઉપયોગ કરવામાં આવે છે. રિપોર્ટ મુજબ ઈન્સ્ટાગ્રામનો આ ખાસ ફીચર વોટ્સએપ એન્ડ્રોઈડ યુઝર્સને પણ મળવાનું છે. 2020માં આ ફીચર મળી શકે છે.