UPમાં ટોયલેટ એક પ્રેમકથા સાસરીમાં શૌચાલય ના હોવાથી મહિલાએ છોડ્યું ઘર

અક્ષય કુમારની ફિલ્મ ટોયલેટ એક પ્રેમકથાને મળતી એક ઘટના પ્રકાશમાં આવી છે.UPના સંભલ જિલ્લામાં એક પરિણીતાને પોતાની સાસરી છોડવાની ફરજ પડી. કારણ માત્ર એટલું જ કે પરિણીતાની સાસરીમાં ટોયલેટ ન હતું. પરિણીતાએ કેટલીય વાર સાસરીમાં રજૂઆત કરી અને તેમના ભાઈએ સાસરીપક્ષને ટોયલેટ બનાવવા 25 હજાર રૂપિયા પણ આપ્યા તેમ છતાં તેઓએ સૌચાલય બનાવ્યું નહીં.
 

Sambhal: Woman left her in-laws place in Nakhasa after they did not construct a toilet at their house despite her repeated pleas. The woman is currently living with her brother. Sub-Divisional Magistrate says 'Investigation is underway and the needful will be done.' (13.04.2018) pic.twitter.com/3YEf8Nw9ta

— ANI UP (@ANINewsUP) April 14 2018

આ પરિણીતાએ આરોપ લગાવ્યો છે કે લગ્ન બાદ ઘરમાં શૌચાલય બનાવવાની વાત જ્યારે તેના પતિને કરી તો પહેલાં તેના પતિએ તેને ધમકાવી. જ્યારે પરિણીતાએ સાસરી છોડવાની વાત કરી તો તેના પતિએ ઘરમાં પૈસા ના હોવાનું કારણ બતાવીને મારપીટ કરી.

બાદમાં આ વાતની જાણ પોતાના ભાઈને કરતા તેણે ટોયલેટ બનાવવા માટે રૂ. 25 હજાર આપ્યા. પરિણીતાએ પોતાના સાસરીપક્ષને પણ કડક શબ્દોમાં કહી દીધું છે કે જ્યાં સુધી સૌચાલય નહીં બને ત્યાં સુધી તે સાસરી પાછી આવશે નહીં. જો કે આ મામલે ફરિયાદ કરતા તેની તપાસ ચાલી રહી છે.