OMG / આ કઈ રીતે શક્ય છે? હોસ્પિટલમાં 7 મહિનાથી બેભાન પડેલી મહિલાએ આપ્યો બાળકીને જન્મ, કિસ્સો સાંભળી ચોંકી ઉઠશો

• માર્ગ અકસ્માતનો શિકાર બની હતી મહિલા 
• 7 મહિનાથી હતી બેભાન 
• હોસ્પ્ટિલમાં આપ્યો બાળકીને જન્મ 

દિલ્હીના એઈમ્સ હોસ્પિટલમાં એક મહિલાએ જે સ્થિતિમાં બાળકીને જન્મ આપ્યો છે તે કોઈ ચમત્કારથી કમ નથી. 23 વર્ષીય મહિલા જે લગભગ 7 મહિનાથી હોસ્પિટલમાં બેભાન પડી હતી. તેણે ગયા અઠવાડિયે એક બાળકીને જન્મ આપ્યો. આ બાળકી સંપૂર્ણ રીતે સ્વસ્થ્ય છે.

હકીકતે મહિલા બુલંદશહેરની રહેવાસી છે. સાત મહિના પહેલા તે એક માર્ગ દુર્ઘટનાનો શિકાર બની હતી. જેમાં તેના માથામાં ગંભીર ઈજા પહોંચી હતી. માથા પર ઈજાની સર્જરી બાદથી જ મહિલા હોસ્પિટલમાં સાત મહિનાથી બેભાન પડી છે. 

માર્ગ દુર્ઘટનાનો શિકાર બની હતી મહિલા 
એક રિપોર્ટ અનુસાર, ડોક્ટરોએ જણાવ્યું કે બાળકીને જન્મ આપનાર મહિલા 31 માર્ચે માર્ગ દુર્ઘટનાનો શિકાર બની હતી. તે પોતાના પતિની સાથે મોટરસાયકલ પર સવાર હતી અને તે સમયે મહિલાએ હેલમેટ ન હતું પહેર્યું. ઘટનામાં તેના માથાના ભાગે ગંભીર ઈજા પહોંચી હતી અને જોકે તે બચી ગઈ પરંતુ તે બેભાન હતી. 

ન્યૂરોસર્જરી વિભાગના પ્રોફેસર દિપક ગુપ્તાએ જણાવ્યું કે મહિલા બેભાન અવસ્થામાં છે. તે પોતાની આંખો ખોલે છે પરંતુ કોઈ પણ વસ્તુ પર રિસ્પોન્ડ નથી કરતી. તેમણે જણાવ્યું કે જો મહિલાએ હેલમેટ પહેર્યું હોત તો તેનું જીવન કંઈક અલગ હોત.

પતિ કરે છે ડ્રાઈવરનું કામ
એઈમ્સ હોસ્પિટલમાં બાળકીને જન્મ આપનાર મહિલાનો પતિ પ્રાઈવેટ ડ્રાઈવરનું કામ કરી રહ્યો હતો. પરંતુ તેની ગર્ભવતી પત્નીની દેખરેખના કારણે તેણે નોકરી છોડી દીધી હતી. કારણ કે મહિલા ભાનમાં ન હતી. મહિલાના પતિનું કહેવું છે કે મારી પાસે હવે કહેવા માટે કંઈ નથી.

મને નથી ખબર કે હવે શું કરવાનું છે અને જીવન કઈ રીતે પસાર થશે. બધુ ઠપ થઈ ગયું છે. તેમણે કહ્યું કે ઘટના વખતે તે પણ પત્નીની સાથે હતા પરંતુ તેમની પત્નીને ઈજા પહોંચી હતી.