ટેમ્પો ડ્રાઈવર, બે મહિલાઓ સહિત ત્રણ લોકો ગંભીર રીતે ઘાયલ થયા છે.
ઉત્તર પ્રદેશના શ્રાવસ્તીમાં ભયંકર અકસ્માત
ઘટના સ્થળે જ 5 લોકોના મોત
બાળકનો થયો આબાદ બચાવ
ઉત્તર પ્રદેશના શ્રાવસ્તી જિલ્લામાં શુક્રવારે ભયંકર અકસ્માત થયો હતો. રાત્રે લગભગ 11 વાગ્યે નેશનલ હાઈવે નજીક યાત્રીઓ ભરેલો ટેમ્પો રસ્તા પર પડેલા ઈંટના કારણે પલટી ગયો. આ વચ્ચે બીજી તરફથી આવી રહેલા ટ્રકે ટેમ્પોમાં સવાર ઘણા યાત્રીઓને કચડી નાખ્યા હતા. જેમાં 5 લોકોના મોત થઈ ગયા.
1 વર્ષના બાળકનો બચાવ
ત્યાં જ ટેમ્પો ડ્રાઈવર, બે મહિલા સહિત ત્રણ લોકો ગંભીર રીતે ઘાયલ થયા હતા. જેમની સારવાર ચાલી રહી છે. આ ઘટનામાં એક વર્ષીય માસુમ બાળક બચી ગયું હતું. જણાવવામાં આવી રહ્યું છે કે ટેમ્પો બહરાઈચની તરફથી આવી રહ્યો હતો.
ઈકોના વિસ્તારની પાસે ઈંટથી ભરેલી એક ટ્રોલી રાતે પંચર થઈ ગઈ હતી. ટ્રોલી વાળાએ અમુક ઈંટો આગળ પાછળ મુકી દીધી હતી. જેથી કોઈ વાહનની ટ્રોલી સાથે ટક્કર ન થાય. ત્યાર બાદ તે પંચર કરાવવા જતો રહ્યો હતો.
રસ્તા પર પડેલી ઈંટોના કારણે બગડ્યું બેલેન્સ
આ વચ્ચે પડોસી જનપદ બલકામપુરના ઉતરૌલાના હાશિમ પારા પેડિયા ગામ નિવાસી 9 લોકો એક ટેમ્પોમાં સવાર થઈને બહરાઈચ દરગાહ શરીફથી પરત પોતાના ઘરે જઈ રહ્યા હતા. ત્યાંજ ઈકૌના વિસ્તારની પાસે અચાનક સામેથી આવી રહેલા ટ્રકની લાઈટથી ટેમ્પો ચાલકનું બેલેન્સ બગડી ગયું અને રસ્તામાં પડેલી ઈંટોના કારણે તે પલટી ગઈ. તેમાં ટ્રકે 5 લોકોને કચડી નાખ્યા હતા. તેમાં તેમનું ઘટના સ્થળ પર જ મોત થઈ ગયું. ઘટના બાદ ટ્રક સહિત ડ્રાઈવર ફરાર થઈ ગયો.