બેદરકારી / સરકારી શાળામાં મિડ ડે મીલ યોજના હેઠળ બાળકોને ખવડાવાઇ રહ્યું છે મીઠુ અને રોટલી, જુઓ PHOTOS

ઉત્તર પ્રદેશ મિડ ડે મીલ ઓથોરિટી આખા રાજ્યમાં તેની દેખરેખનું કામ કરે છે. તેની વેબસાઇટ પર તેના મિડ ડે મીલ મેન્યૂ આપવામાં આવ્યું છ. મેન્યૂમાં દાળ ભાત, રોટલી અને શાક સામેલ છે. મીલ મેન્યૂ ચાર્ટ અનુસાર ખાસ પ્રસંગોએ ફળ તથા દૂધ પણ આપવામાં આવે છે. 

બાળકો સ્કૂલમાં જમીન પર બેસીને મીઠા સાથે રોટલી ખાય છે. એક વિદ્યાર્થીના પરિવારે સ્થાનીય પત્રકારને જણાવ્યું, 'અહીં ખુબ જ ખરાબ હાલત છે. ઘણીવાર એમણે (મિડ ડે મીલ ઓથોરિટી) બાળકોને ખાવા માટે મીઠુ અને રોટલીઓ આપે છે, જ્યારે ઘણીવાર મીઠુ અને ભાત. અહીં ક્યારેક દૂધ પણ અપાય છે, જોકે, મોટાભાગે તે અપાતું જ નથી. કેળા ક્યારેય અપાયા નથી. ગત એક વર્ષથી આવી જ સ્થિતિ છે.'

મિર્જાપુરમાં ટોચના સરકારી અધિકારીએ આ મામલે એનડીટીવી સાથે વાતચીતમાં જણાવ્યું કે, 'અમે તપાસ કરી છે અને આ ઘટના સાચી છે. શરૂઆતમાં આ સ્કૂલના શિક્ષક પ્રભારી અને ગ્રામ પંચાયતના સુપરવાઇઝરની ભૂલ લાગી રહી છે. બંનેને સસ્પેન્ડ કરી દેવાયા છે.

ઉત્તરપ્રદેશ સરકારનું કહેવું છે કે તે ડિસેમ્બર 2018ના આંકડા મુજબ રાજ્યભરમાં 1.5 લાખથી વધારે પ્રાઇમરી અને મિડલ સ્કૂલમાં મિડ ડે મીલ યોજના ચલાવી રહી છે. આ યોજના હેઠળ 1 કરોડથી વધારે બાળકોને યોજનાનો લાભ આપવામાં આવી રહ્યો છે.

કેન્દ્ર સરકાર મુજબ, મિડ ડે મીલ યોજના અનુસાર દરેક બાળકને પ્રતિ દિન લઘુત્તમ 450 કેલેરી મળી રહે તેટલુ ભોજન આપવામાં આવશે. તથા તેમા પ્રતિ દિન ઓછામાં ઓછુ 12 ગ્રામ પ્રોટીન પણ સામેલ હોવું જોઇએ. યોજના અનુસાર આ ભોજન દરેક બાળકને વર્ષમાં ઓછામાં ઓછુ 200 દિવસ આપવામાં આવશે.