આજે એ દિવસ છે જ્યારે એક વાર ફરી સુદીક્ષા ભાટીના ઘરની બહાર કેમેરા છે. લોકોની ભીડ છે, ઘરવાળાઓની આંખોમાં આંસૂ છે. પરંતુ બે વર્ષ પહેલા આ આંસૂ ખુશીના હતા જ્યારે માતા પોતાની દિકરીને આલિંગન ભરી રહી હતી. પરંતુ આજે આ આંસૂ ખુશીના નહીં પરંતુ સુદીક્ષાની મૃત્યુંના દુઃખના છે. ઉત્તર પ્રદેશના બુલંદશહેરના દાદરી વિસ્તારની આ દિકરી જિંદગીની તમામ મુશ્કેલ પરિસ્થિતિના પડકારનો સામનો કરી અમેરિકા પહોંચી ગઇ. પરંતુ છેડછાડ દરમિયાન થયેલ દૂર્ઘટનામાં તેનું મૃત્યું થયું.
2018માં સુદીક્ષાએ ઇંટરમીડિયટ પરીક્ષામાં ટોપ કરી વિસ્તારમા માન-સન્માન વધાર્યું હતું. આજે તેના મૃત્યુંથી કોઇપણની આંખમાં આંસુ છે જાણે પોતાના પરિવારનું કોઇ પ્રિય પાત્ર તેમનાથી દૂર થઇ ગયું.
ઉલ્લેખનીય છે કે પરીક્ષામાં ટોપ કર્યા બાદ સુદીક્ષાને 3.8 કરોડ રૂપિયાની સ્કૉલરશિપ મળી હતી, જેનાથી તે પોતાના સપનાને પુરા કરવા ઇચ્છતી હતી. ચા વાળાની દીકરી સુદીક્ષાને બેબસૉન કોલજમાં ભણવા માટે 3.8 કરોડની શિષ્યવૃત્તિ મળી હતી, ત્યાર બાદ સુદીક્ષા ભણતર માટે અમેરિકા ગઇ હતી. સુદીક્ષાએ CBSE પરીક્ષામાં 98 ટકા પ્રાપ્ત કર્યા હતા અને પોતાના જિલ્લામાં પહેલા નંબરે પાસ થઇ હતી.
સુદીક્ષાને કોલેજમાંથી 70428 ડોલર પ્રતિ સેમેસ્ટરની સ્કોલરશીપ મળી હતી. જેના હેઠળ 4 વર્ષમાં 3.83 કરોડ રૂપિયાની સ્કોલરશિપ મળી હતી. સુદીક્ષા ભણતરની સાથે-સાથે સામાજિક કાર્યમાં પણ રસ લેતી હતી.
સુદીક્ષા સોમવારે સાંજે પોતાના કાકાની સાથે મામાના ઘરે જઇ રહી હતી, ત્યારે જ તેમની બાઇક બુલેટ સાથે ટકરાઇ અને ઘટનાસ્થળ પર જ વિદ્યાર્થિનીનું મોત થઇ ગયું. હાલમાં જ સુદીક્ષા કોલેજમાં રજા હોય ઘરે આવી હતી. જ્યારે આ દૂર્ઘટના ઘટી ત્યારે સુદીક્ષા પોતાના કાકાની સાથે ઔરંગાબાદ જઇ રહી હતી.
સુદીક્ષા ભાટીના પરિવારજનોનો આરોપ છે કે જ્યારે બાઇક પર તે ઔરંગાબાદ જઇ રહી હતી ત્યાર ેતેની બાઇકનો બુલેટ સવાર લોકોએ પીછો કર્યો હતો. ક્યારે યુવકો તેની બાઇક આગળ લઇ જતા, ક્યારેક પાછળ રાખતા અને સુદીક્ષા પર કોમેન્ટ કરતા. એટલું જ નહીં બાઇક સવાર લોકો બાઇક ચલાવતા ક્યારેક સ્ટંટ પણ કરતા હતા. આ દરમિયાન અચાનક બુલેટ સવાર લોકોએ બાઇકની બ્રેક મારી અને બુલેટની ટક્કર થવાથી સુદીક્ષા બાઇક પરથી પડી ગઇ અને ઇજાગ્રસ્ત થઇ ગઇ. સુદીક્ષાનું ઘટના સ્થળે જ મૃત્યું થઇ ગયું.
સુદીક્ષાએ 20 ઓગસ્ટના રોજ અમેરિકા પરત ફરવાનું હતું. તે પહેલા જ રોડ અકસ્માતમાં તેનું મૃત્યું થયું. ઉલ્લેખનીય છે દેશની ટોપ IT કંપની તરફથી અમેરિકામાં ભણવા માટે 3.80 કરોડ રૂપિયાની સ્કોલરશિપ આપવામાં આવી. ગૌતમબુદ્ધ નગરના દાદરી વિસ્તારમાં રહેતી સુદીક્ષા ગરીબ પરિવારમાંથી આવતી હતી.