કરુણાંતિકા / બે ગમખ્વાર અકસ્માતમાં 8ના કરૂણ મોત, સ્પીડ બ્રેકરથી ઉછળ્યાં બાદ ટ્રકમાં ઘૂસી ગઈ કાર

• ઉત્તર પ્રદેશમાં બે ભીષણ અકસ્માત 
• સ્પીડ બ્રેકર પરથી ઉછળ્યાં બાદ ટ્રકમાં ઘૂસી ગઈ કાર 
• પાંચ લોકોના મોત, એક હજુ હોસ્પિટલમાં 
• અન્ય એક અકસ્માતમાં 3 પોલીસ જવાનોના અકાળે મોત 

શુક્રવારે મોડી રાત્રે યુપીમાં એક ભયાનક રોડ એક્સિડેન્ટની ઘટના સામે આવ રહી છે. પૂરપાટ ઝડપે આવતી કાર ટક્કર બાદ પલટી ગઈ, જેમાં પાંચ લોકોના ઘટનાસ્થળે જ મોત થયા અને એક વ્યક્તિ ગંભીર રીતે ઘાયલ થયો છે જેને હોસ્પિટલમાં દાખલ કરવામાં આવ્યો છે. કારમાં કુલ છ લોકો સવાર હતા.

Uttar Pradesh | 5 killed, 1 injured in a horrific accident in Tanda area PS in Rampur

5 have died and the condition of the driver is critical and is admitted to the district hospital. The bodies have been sent to the district hospital for post-mortem: Rajesh Kumar, SDM Tanda pic.twitter.com/qy8rioDxmu

— ANI UP/Uttarakhand (@ANINewsUP) February 4, 2022

લગ્નમાંથી પરત આવતા કાળ ભરખી ગયો 
પોલીસના જણાવ્યા અનુસાર, અકસ્માત શુક્રવારે રાત્રે 10 વાગ્યાની આસપાસ થયો હતો. તમામ મૃતકો મુરાદાબાદના જયંતિપુરના રહેવાસી હતા અને લગ્ન સમારોહમાંથી ઘરે પરત ફરી રહ્યા હતા. 

આસપાસના લોકો દોડી આવ્યા 
રોડ અકસ્માત જોઈ આસપાસના લોકો બચાવવા દોડી આવ્યા હતા. કારમાં સવાર તમામને બહાર કાઢવામાં આવ્યા હતા. જે બાદ સ્થાનિક તંત્રને જાણ કરવામાં આવી હતી જેમાં પોલીસ પહોંચી અને મૃતદેહને પોસ્ટમોર્ટમ માટે મોકલી આપ્યા હતા અને એક ઈજાગ્રસ્તને ત્યાંની હોસ્પિટલમાં દાખલ કરવામાં આવ્યો હતો.

ઉત્તરાખંડથી પરત આવી રહ્યા હતા 
રામપુર પોલીસે મીડિયાને જણાવ્યું કે કારમાં સવાર તમામ લોકો લગ્ન સમારોહ માટે ઉત્તરાખંડના સુલતાનપુર પટ્ટી ગયા હતા અને પરત ફરતી વખતે અકસ્માત થયો હતો. મૃતકો પૈકી ત્રણની ઓળખ થઈ હતી. જેમના નામ પુરણ દિવાકર, મનોજ દિવાકર અને ડ્રાઈવર હરેન્દ્ર ઠાકુર છે.

ઉન્નાવમાં પણ ભીષણ અકસ્માત, 3 પોલીસ જવાનોના મોત 
તે જ સમયે, ઉન્નાવમાં શુક્રવારે રાત્રે, ટ્રક PRV પર પલટી જતાં દર્દનાક અકસ્માત સર્જાયો હતો. PRVમાં બેઠેલા તમામ પોલીસકર્મીઓ ટ્રકની નીચે દબાઈ ગયા હતા. ક્રેન મંગાવી ટ્રકને પીઆરવીના ઉપરથી હટાવી લેવામાં આવી હતી. પોલીસ અધિક્ષક દિનેશ ત્રિપાઠીએ આ ઘટનામાં ત્રણ કોન્સ્ટેબલના મોતની પુષ્ટિ કરી છે.