દિલ્હી / SC બહાર આત્મવિલોપન કરનારી રેપ પીડિતાનું મોત, UPના પોલીસ અધિકારીઓ સામે ગંભીર આક્ષેપ

• સુપ્રીમ કોર્ટ બહાર આત્મવિલોપન કરનાર કથિત રેપ પીડિતાનું મૃત્યુ
• 16 ઓગસ્ટના રોજ પોતાના શરીર પર ચાંપી હતી આગ
• સાંસદ સામે લગાવ્યા હતા આક્ષેપ

રેપ પીડિતા અને તેના મિત્રએ સુપ્રીમ કોર્ટની બહાર આગ ચાંપીને આત્મહત્યાનો પ્રયાસ કર્યો હતો, જો કે, આ ઘટનામાં ગંભીર રીતે દાઝી ગયા બાદ પીડિતાના દોસ્તનું 21 ઓગસ્ટના રોજ મૃત્યુ થયું હતું. 

સુપ્રીમ કોર્ટની બહાર મરતા પહેલા કર્યું હતું ફેસબુક લાઈવ 

ઉલ્લેખનીય છે કે, આગચંપી કરતા પહેલા બંન્ને મિત્રોએ કોર્ટની બહાર ફેસબુક લાઈવ પણ કર્યું હતું. જેમાં તેમણે  SSP અમિત પાઠક, CEO અમરેશ સિંહ, હવાલદાર સંજય રાય અને તેમના દીકરા વિવેક રાય તથા પૂર્વ IG પર ઉત્પીડનનો આરોપ લગાવ્યો હતો. 

સાંસદ સામે લગાવ્યા હતા આક્ષેપ 

આપને જણાવી દઇએ કે, પીડિતાનું શરીર આત્મહત્યા દરમિયાન 70 ટકા દાઝી ગયું હતું, તેણીએ ફેસબુક લાઈવ દરમિયાન આત્મહત્યા કરી હતી અને સાંસદ અતુલ રાય પર પણ આરોપ લગાવ્યા હતા.  

સુરક્ષાકર્મીઓ દ્વારા કોર્ટના ગેટની બહાર લગાવી હતી આગ 

યુવતી અને તેના મિત્રએ સુપ્રીમ કોર્ટનાં ગેટ પાસે જ આત્મહત્યાનો પ્રયાસ કર્યો હતો. આ બંને લોકોએ ગેટ નંબર ડી પાસેથી અંદર ઘૂસવાનો પ્રયત્ન કર્યો હતો. પરંતુ તેમને સુરક્ષાકર્મીઓ દ્વારા રોકી લેવામાં આવ્યા હતા. ત્યાર બાદ તેમણે પોતાને જ આગ લગાડી દીધી હતી.  

રામ મનોહર લોહીયા હોસ્પિટલમાં ચાલી રહી હતી સારવાર 

બંને લોકોએ આત્મહત્યાનો પ્રયાસ કર્યા બાદ તેમણે ફટાફટ પોલીસ વાનથી હોસ્પિટલ લઈ જવામાં આવ્યા હતા. બંને લોકોને રામ મનોહર લોહીયા હોસ્પિટલમાં દાખલ કરવામાં આવ્યા હતા.