એક્શન! / તાબડતોબ 15 દિવસ શાળાઓ બંધ કરવાના અપાયા આદેશ, આ રાજ્યમાં ઓમિક્રોન અને ઠંડીએ ગાભા કાઢી નાંખ્યા

• કોરોના સંક્રમણ કરતા ઠંડીએ ઉત્તર પ્રદેશને ઘમરોળ્યું
• શાળાઓમાં 15 દિવસની રજાઓ જાહેર
• ઓમિક્રોનના જોખમને ધ્યાનમાં રાખીને વધારવામાં આવી તકેદારી

આ રજાઓ 14 જાન્યુઆરી સુધી રહેશે. આ દિવસોમાં યુપીમાં તમામ પ્રાથમિક અને જુનિયર શાળાઓ બંધ રહેશે. એટલે કે આ આદેશ ધોરણ 8 સુધીની શાળાઓને લાગુ પડશે.

31મી ડિસેમ્બરથી શિયાળાની રજાઓ શરૂ થઈ રહી છે

મળતી માહિતી મુજબ હવામાનને જોતા જિલ્લા કલેક્ટરે ઠંડી વધવા પર શાળાઓ બંધ રાખવાનો આદેશ આપતા હતા. પરંતુ આ વર્ષે શૈક્ષણિક કેલેન્ડરમાં જ શિયાળુ વેકેશનનો આદેશ આપવામાં આવ્યો હતો. આ સિવાય યુપીમાં કોરોનાના નવા વેરિઅન્ટ ઓમિક્રોનને જોતા કડકતા પણ વધારવામાં આવી છે.

ઓમિક્રોનના જોખમને ધ્યાનમાં રાખીને, તકેદારી વધારી છે

ઉત્તર પ્રદેશની માધ્યમિક શાળાઓમાં કોરોના વાયરસના નવા પ્રકાર ઓમિક્રોનના ખતરાને ધ્યાનમાં રાખીને, તકેદારી વધારવામાં આવી છે. અધિક મુખ્ય સચિવ આરાધના શુક્લાએ તમામ જિલ્લા મેજિસ્ટ્રેટ, જિલ્લા શાળા નિરીક્ષકો અને અન્યોને વિગતવાર માર્ગદર્શિકા જાહેર કરી છે. આ માર્ગદર્શિકા ઑગસ્ટ અને ઑક્ટોબરમાં શાળાઓ ખોલવાના સમયે જાહેર કરવામાં આવી હતી તે જ છે.

શું છે ગાઈડલાઈન્સ

- બધી શાળાઓને દરરોજ સેનિટાઈઝ કરવી જોઈએ.
- શાળાઓમાં સેનિટાઈઝર, હેન્ડવોશ અને થર્મલ સ્કેનિંગની વ્યવસ્થા કરવી જોઈએ.
- કોઈપણ વિદ્યાર્થી કે વિદ્યાર્થીનિને શાળાએ આવવાની ફરજ પાડવામાં આવશે નહીં.
- બાળકોને શાળાએ મોકલવા માટે સૌપ્રથમ વાલીઓની સંમતિ લેવી પડે છે.
- શાળામાં પ્રવેશ અને રજા સમયે શારીરિક અંતરનું ચુસ્તપણે પાલન કરવું જોઈએ.
- તમામ શિક્ષકો, સ્ટાફ અને વિદ્યાર્થીઓ માટે માસ્ક પહેરવાનું ફરજિયાત રહેશે.
- રાજ્યની તમામ બોર્ડની શાળાઓમાં આ સિસ્ટમ લાગુ કરવામાં આવી છે.

ગાઈડલાઈન્સનું ચુસ્તપણે પાલન કરવું

માધ્યમિક શિક્ષણ બોર્ડના સચિવ દિવ્યકાંત શુક્લાએ ડિવિઝનલ જોઈન્ટ ડાયરેક્ટર ઓફ એજ્યુકેશન અને ડીઆઈઓએસને તેનો કડક અમલ કરવા નિર્દેશ આપ્યો છે. શાળાઓએ વિકલ્પ તરીકે ઓનલાઈન શિક્ષણની વ્યવસ્થા કરવી પડશે. આ સાથે, એવી પણ સૂચના આપવામાં આવી છે કે જો શાળામાં કોઈને શરદી, તાવ વગેરેના લક્ષણો દેખાય તો તેને તબીબી સલાહ સાથે તેમના ઘરે મોકલવાની વ્યવસ્થા કરવામાં આવે.