કોરોના વાયરસનો પ્રકોપ આખી દુનિયામાં ફેલાઇ રહ્યો છે. ભારત પણ આનાથી બાકાત નથી. આ બિમારીથી અત્યાર સુધી 600 કરતા વધુ લોકો સંક્રમિત થઇ ચૂક્યા છે. આ વાયરસના પ્રભાવને કારણે જ ભારતમાં 21 દિવસનું લૉકડાઉન ઘોષિત કરાયુ છે. લોકોને અંદર રહેવા માટે કહેવામાં આવ્યુ છે.
આ બધાની વચ્ચે ઉત્તર પ્રદેશ પોલીસે પોતાના જ અંદાજમાં લોકોને ઘરે રહેવાની સલાહ આપી છે. યુપી પોલીસે પોતાના ઑફિશ્યલ ટ્વીટર હેન્ડલ પરથી એક ફોટો શૅર કર્યો છે. આ ફોટો પૂર્વ ભારતીય બેટ્સમેન કેપ્ટન અને વિકેટકીપર બેટ્સમેન મહેન્દ્ર સિહં ધોનીની છે.
પોલીસે 2019 વર્લ્ડકપમાં ભારત અને ન્યૂઝીલેન્ડ વચ્ચે રમાયેલી સેમિફાઇનલની ફોટોમાં શૅર કર્યો છે. આમાં ધોની રનઆઉટ થતો દેખાડવામાં આવ્યો છે. પોલીસે કેપ્શન આપ્યુ છે, આપણે કોરોનાથી મેચ જતાવા માંગીએ છીએ ? કેવી રીતે ? અંદર રહીને..
પોલીસે આ ફોટો પર ટેક્સ્ટ લખી છે કે, તે દિવસ પણ એજ વિચાર આવ્યો હતો કે, અંદર હોય તો સારું.
ધોની થયો હતો રનઆઉટ
ન્યૂઝીલેન્ડ વિરુદ્ઘ સેમિફાઇનલ મેચમાં મહેન્દ્ર સિંહ ધોની માર્ટિન ગુપ્ટિલના સીધા થ્રો પર રન આઉટ થઇ ગયો હતો અને તેની સાથે જ ભારતની મેચ જીતવાની આશા ખત્મ થઇ ગઇ હતી. ધોનીએ ગત વર્ષ જૂલાઇ પછી કોઇ મેચ રમી નથી.
ઉલ્લેખનીય છે કે, સમગ્ર દેશને સતર્ક કરવા માટે મંગળવારે એટલે કે 24 માર્ચના રાત્રે 8 વાગ્યે દેશવ્યાપી સંબોધન કરતાં કહ્યું હતું કે સોશિયલ ડિસ્ટન્સિંગ એ જ આ મહામારીને નાથવાનો એકમાત્ર ઉપાય છે. તેમણે સમગ્ર દેશમાં વધુ 3 અઠવાડિયાના લોકડાઉનની જાહેરાત કરીને દેશવાસીઓને તેનું ચુસ્તપણે પાલન કરવા અપીલ કરી હતી. વર્તમાન સમયમાં વિકરાળ બની રહેલી સ્થિતિને ધ્યાનમાં રાખી દેશમાં આજે મધ્યરાત્રીથી ઓછામાં ઓછા 21 દિવસના લોકડાઉનની જાહેરાત કરી છે.