ઉત્તરપ્રદેશ / પ્રિયંકા ગાંધીએ UP પોલીસ પર લગાવ્યો ગેરવર્તનનો આરોપ, કહ્યું, મને ઘેરવામાં આવી, ગળુ દબાવ્યું અને ધક્કો માર્યો

• ઉત્તરપ્રદેશ પોલીસનું કોંગ્રેસ નેતા પ્રિયંકા ગાંધી સાથે ગેરવર્તન
• કોંગ્રેસ મહાસચિવ પ્રિયંકા ગાંધી વાડ્રાએ પોલીસ પર ગંભીર આરોપ લગાવ્યો
• કોંગ્રેસ મહાસચિવે કહ્યું, મારો નિશ્ચય દ્રઢ છે. હું પોલીસ દમનનો શિકાર થયેલા તમામ નાગરિકની સાથે છું 

પ્રિયંકા ગાંધીએ પત્રકારો સાથેની વાતચીતમાં કહ્યું કે, તેઓ નવા નાગરિકતા કાયદાના વિરુદ્ધ થયેલા હિંસક પ્રદર્શનના મામલામાં ધરપકડ કરવામાં આવેલા સેવાનિવૃત IPS ઓફિસર એસ.આર. દારાપુરીના પરિવારજનોની મુલાકાત કરવા માટે પાર્ટી રાજ્ય મુખ્યાલયથી નીકળ્યા હતા. રસ્તામાં લોહિયા ચાર રસ્તા પર પોલીસે તેઓને રોક્યા હતા. 

#WATCH: Congress' Priyanka Gandhi Vadra says,"UP police stopped me while I was going to meet family of Darapuri ji. A policewoman strangulated&manhandled me. They surrounded me while I was going on a party worker's two-wheeler,after which I walked to reach there." pic.twitter.com/hKNx0dw67k

— ANI UP (@ANINewsUP) December 28, 2019

તેઓએ આરોપ લગાવતા કહ્યું, 'હું ગાડીમાંથી ઉતરીને પગપાળા ચાલવા લાગી. તો મને ઘેરી લેવામાં આવી અને એક મહિલા પોલીસ કર્મીએ મારુ ગળુ દબાવ્યું. મને ધક્કો મારવામાં આવ્યો અને હું પડી ગઇ. આગળ ચાલીને ફરી મને પકડવામાં આવી તો હું એક કાર્યકર્તાના ટૂ-વ્હીલરથી નીકળી. તો તેને પણ પાડી દેવામાં આવ્યો.' 

પ્રિયંકા ગાંધીએ કહ્યું કે, દારાપુરી 77 વર્ષના પૂર્વ પોલીસ અધિકારી છે. તેઓએ શાંતિપૂર્ણ રીતે પ્રદર્શન માટે ફેસબુક (Facebook) પર પોસ્ટ નાંખી હતી, છતા પોલીસે તેઓની ધરપકડ કરી લીધી. તેમના પત્ની ખુબ જ બીમાર છે. આ તમામ શા માટે? કેમકે આપની નીતિ તેઓને પસંદ નથી ? 

Congress General Secy for UP(East) Priyanka Gandhi Vadra stopped on her way while she was going to visit family of Sadaf Jafar, who was arrested during protest against #CitizenshipAmendmentAct; says,"There's no point stopping us on road. It's not an issue of SPG but of UP police" pic.twitter.com/geNQSt4wvJ

— ANI UP (@ANINewsUP) December 28, 2019

કોંગ્રેસ મહાસચિવે પોતાની ફેસબુક પેજ પર આ વાત લખતા કહ્યું ''મારો નિશ્ચય દ્રઢ છે. હું ઉત્તર પ્રદેશમાં પોલીસ દમનનો શિકાર થયેલા તમામ નાગરિકની સાથે ઉભી છું. મારા સત્યાગ્રહ છે. ભાજપ સરકાર કાયરતાપૂર્ણ વર્તન કરી રહી છે. હું ઉત્તર પ્રદેશની પ્રભારી છું અને હું પ્રદેશમાં ક્યાં જઉં તે ભાજપ સરકાર નક્કી નહીં કરે.''

આ એક પ્રકારે તાનાશાહી છે, ઉત્તર પ્રદેશમાં રાષ્ટ્રપતિ શાસન લગાવવું જોઇએ : કોંગ્રેસ

કોંગ્રેસે પાર્ટી મહાસચિવ પ્રિયંકા ગાંધીને ઉત્તર પ્રદેશ પોલીસ દ્વારા લખનઉમાં રોકવાના મામલામાં તપાસની માંગ કરી છે. પાર્ટીના પ્રવક્તા સુષ્મિતા દેવે કહ્યું, આ તાનાશાહી છે કે પ્રિયંકા ગાંધી એક વિપક્ષી પાર્ટીના નેતા હોવા પર ખોટી રીતે જેલમાં મોકલવામાં આવેલા લોકોના પરિવારજનોને મળવા જઇ રહ્યા હતા, પરંતુ તેમને રોકવામાં આવ્યા, તેની તપાસ થવી જોઇએ.

કોંગ્રેસ પ્રવક્તા સુષ્મિતા દેવે કહ્યું કે, પ્રિયંકા ગાંધી કોંગ્રેસના સ્થાપના દિવસ પર લખનઉમાં હતા. જ્યારે પ્રિયંકા ગાંધી રિટાયર્ડ આઇપીએસ ઓફિસરને મળવા જઇ રહ્યા હતા. ત્યારે તેમને રોકવામાં આવ્યા. ઉત્તર પ્રદેશ પોલીસે પ્રિયંકા ગાંધીનું ફિજિકલ મેન હેન્ડલ કર્યું. અમે આ આખા મામલાની તપાસની માંગ કરીએ છીએ. આ એક પ્રકારે તાનાશાહી છે. ઉત્તર પ્રદેશમાં રાષ્ટ્રપતિ શાસન લગાવવું જોઇએ.