ગાઝીપુરની જાખનિયા વિધાનસભાના સુહેલદેવ ભારતીય સમાજ પાર્ટીના ધારાસભ્ય બેદી રામે ગાઝીપુરના જંગીપુરથી યુસુફપુરને જોડતા લગભગ સાડા ચાર કિલોમીટરના રોડના ખોટા બાંધકામ અંગે સવાલો ઉઠાવ્યા છે.
ઉત્તરપ્રદેશના ધારાસભ્યનો વીડિયો થયો વાયરલ
ધારાસભ્યએ જૂતા વડે નવો રોડ ઉખેડી નાખ્યો
ધારાસભ્ય રોડના ખરાબ બાંધકામને લઈને ગુસ્સે થયા
ઉત્તર પ્રદેશના એક ધારાસભ્યનો વીડિયો સોશિયલ મીડિયા પર વાયરલ થઈ રહ્યો છે. ગાઝીપુરની જાખનિયા વિધાનસભાના સુહેલદેવ ભારતીય સમાજ પાર્ટીના ધારાસભ્ય બેદી રામે ગાઝીપુરના જંગીપુરથી યુસુફપુરને જોડતા લગભગ સાડા ચાર કિલોમીટરના રોડના ખોટા બાંધકામ અંગે સવાલો ઉઠાવ્યા છે. આટલું જ નહીં, નેતાએ પોતાના બૂટ વડે રસ્તાની મજબૂતાઈ માપી છે, એટલે કે વાયરલ થયેલા વીડિયોમાં ધારાસભ્ય બેદી રામ પોતાના બૂટથી રોડ ઘસીને કોન્ટ્રાક્ટરને ઠપકો આપતા જોવા મળે છે.
विधानसभा क्षेत्र जखनियां, गाजीपुर में लोक निर्माण विभाग द्वारा कराए जा रहे खराब सड़क बनने की सूचना ग्रामवासियों के द्वारा सुचना मिलने पर औचक निरीक्षण करने पहुंचे। जखनिया विधायक माo बेदी राम जी pic.twitter.com/AUYfOMbR0R
વાયરલ થઈ રહેલા વીડિયોમાં સ્પષ્ટ જોઈ શકાય છે કે ધારાસભ્ય બેદી રામના બૂટથી રોડ ઘસ્યા બાદ રોડ ઉખડી જાય છે. આ રોડના નિર્માણમાં ઉપયોગમાં લેવાયેલ બાલાસ્ટ બૂટના ઘસવામાંથી અલગ દેખાઈ આવે છે. આ રોડના નિર્માણ અંગે જણાવવામાં આવી રહ્યું છે કે, ગાઝીપુર વિધાનસભા મતવિસ્તારના જખનિયામાં પબ્લિક વર્કસ ડિપાર્ટમેન્ટ દ્વારા ખરાબ રસ્તાના નિર્માણની જાણકારી ગ્રામજનોએ આપી છે. જે બાદ ધારાસભ્ય ઓચિંતી તપાસ માટે પહોંચ્યા પરંતુ ત્યાં કોઈ અધિકારી જોવા મળ્યા ન હતા.
વિપક્ષી દળોએ પણ સરકાર પર સવાલ ઉઠાવ્યા
બીજી તરફ આ વીડિયો વાયરલ થતાં વિપક્ષી દળોએ પણ સરકાર પર સવાલ ઉઠાવવાનું શરૂ કરી દીધું હતું. સમાજવાદી પાર્ટીના મહાસચિવ શિવપાલ યાદવે ટ્વીટ કરીને લખ્યું- માનનીય ધારાસભ્યો રસ્તાની હાલત જોઈને શરમ અનુભવે છે! શું આ છે સાર્વજનિક નિર્માણ 'સરકાર'ની વાસ્તવિકતા! જો કે યુપીમાં રોડ બનાવવાનો આ પહેલો મામલો નથી, આ પહેલા પણ યુપીમાં રોડ નિર્માણને લઈને અનેક વીડિયો સામે આવ્યા છે. આ પહેલા યુપીના પીલીભીતથી એક વીડિયો વાઈરલ થયો હતો. જેમાં એક યુવક પોતાના હાથ વડે રોડ ઉખાડતો જોવા મળ્યો હતો. હવે ફરી એકવાર માર્ગ નિર્માણમાં બેદરકારી સામે આવી છે, જેનો પર્દાફાશ ખુદ નેતાએ કર્યો છે.