ઉત્તર પ્રદેશ વીજળી વિભાગ ખોટા બીલને લઇને હાલ ચર્ચામાં છે. યૂપી વીજ વિભાગે હાપુરના ચમરી ગામમાં રહેતા વૃદ્ધ શમીમને ઘરનું લાઈટ બીલ બે-પાંચ હજાર કે, એક-બે લાખ નહીં પરંતુ 128 કરોડ પકડાવી દીધું. અને મોટી વાત તો એ છે કે, જે બિલ આપાયું છે તેમાં મહિનામાં માત્ર 2 કિલોવોટ વીજળીનો ઉપયોગ કર્યો હોવાનો ઉલ્લેખ છે.
પીડિત વૃદ્ધ ખોટા બિલને લઇ છેલ્લા કેટલાય દિવસથી વીજળી વિભાગના ચક્કર લગાવી રહ્યા છે. આ વિશે શમીમે જણાવ્યું હતું કે, મહિનાનું તેનું બિલ 700-800 રૂપિયા આવે છે પણ હવે ઈલેક્ટ્રીસીટી ડિપાર્ટમેન્ટની ભૂલના કારણે મારે સમગ્ર હાપુરનું બિલ ભરવું પડે તેવી સ્થિતિ સર્જાય છે.
Hapur: A resident of Chamri has received an electricity bill of Rs 1,28,45,95,444. He says "No one listens to our pleas, how will we submit that amount? When we went to complain about it,we were told that they won't resume our electricity connection unless we pay the bill."(20.7) pic.twitter.com/2kOQT8ho36
તેણે લાઈટ અને પંખાનો ઉપયોગ કરવા સિવાય કહ્યું હતું કે, વિજળી વિભાગ અમને બિલ ભરવા માટે કહી રહ્યું છે પણ મારા જેવા ગરીબ માણસે આટલું બિલ કેમ ભરવું. આટલુ જ નહીં આ બીલની રકમની ભરવાઈ ન કરતા તેના ઘરનું વીજ કનેકશન પણ કાપી લેવામાં આવ્યુ.
શમીમનો આરોપ છે કે, આ મામલે વીજ વિભાગને અનેક રજૂઆત કરવામાં આવી હોવા છતા કોઈપણ પ્રકારનું ધ્યાન આપવામાં આવતુ નથી. શમીમ પોતાના ઘરમાં એક લાઈટ અને પંખાનો ઉપયોગ કરે છે. તેમ છતા મસમોટુ બીલ આવ્યુ. ગરીબીમાં જીવતા શીમમ હવે વીજ વિભાગની ગંભીર બેદરકારીના કારણે હેરાન પરેશાન છે.