ઉત્તર પ્રદેશમાં 25 હજાર હોમગાર્ડની નોકરીના નિર્ણય પર યોગી સરકારે યૂ-ટર્ન લીધો છે. હોમગાર્ડ મંત્રી ચેતન ચૌહાણે જણાવ્યું છે કે કોઇપણ હોમગાર્ડને નિકાળવામાં આવશે નહીં. ડીજીપી સાથે વાતચીત બાદ સીમિત બજેટનું સૂચન કરવામાં આવ્યું છે. જેમાં યૂપી પોલીસ પોતાના સીમિત બજેટમાં 17000 હજાર હોમગાર્ડને ડ્યૂટી પર રાખી શકે છે જ્યારે બાકી 8000 હજાર હોમગાર્ડને મુખ્યાલયથી ડ્યૂટી મળશે.
ડીજીપી સાથે વાતચીત કરી સીમિત બજેટમાં ડ્યૂટી આપવાનું સૂચન
મંત્રીએ કહ્યું, નવા બજેટમાં હોમગાર્ડ અને પોલીસના બજેટમાં વધારો કરાશે
હોમગાર્ડ મંત્રીએ કહ્યું બજેટમાં ફાળવણીમાં વધારો કરાશે
યુપના હોમગાર્ડ મંત્રી ચેતન ચૌહાણે કહ્યું સીમિત જવાન અને ઓછી ડ્યૂટીના ફોર્મ્યુલાથી નિરાકરણ આવ્યું છે. 31 માર્ચ પછી હોમગાર્ડને નવા માનદ સાથે ડ્યૂટી મળશે. મંત્રીએ વધુમાં જણાવ્યું કે આગામી બજેટમાં હોમગાર્ડ અને પોલીસ માટેની ફાળવણીમાં વધારો કરવામાં આવશે.
હોમગાર્ડની સંખ્યામાં ઘટાડો!
કાનૂન વ્યવસ્થામાં ડ્યૂટી કરનારા હોમગાર્ડની સંખ્યામાં 32 ટકા સુધી કાપ મૂકવામાં આવ્યો છે. સોમવારના આદેશ મુજબ એડીજીના આદેશ બાદ 25 હજાર હોમગાર્ડની સેવા સમાપ્ત થઇ છે. 28 ઓગસ્ટને મુખ્ય સચિવની બેઠકમાં ડ્યૂટી સમાપ્ત કરવાનો નિર્ણય લેવાયો હતો.
બજેટની ઉણપ બની સમસ્યા
હાલમાં યુપીના કેબિનેટ મંત્રી અને રાજ્ય સરકારના પ્રવક્તા શ્રીકાંત શર્માએ મીડિયા સાથેની વાતચીતમાં જણાવ્યું હતું કે ફાળવેલ બજેટનો વર્તમાનમાં વધારો કરી શકાય નહીં પરંતુ ભવિષ્યમાં વધારવા માટે પગલા લેવામાં આવશે. જો કે મંગળવારે હોમગાર્ડ મંત્રીએ આપેલા નિવેદન બાદ હોમગાર્ડસને મોટી રાહત મળતી હોવાનું નજરે પડી રહ્યું છે.