શરૂઆત / આ રાજયમાં આવતી કાલથી ખુલશે દરેક સરકારી ઓફિસ, આ નિયમોનું કરવું પડશે અચૂક પાલન

• યૂપીમાં સોમવારથી ખૂલશે સરકારી ઓફિસ
• સરકારી ઓફિસમાં 50 ટકા સ્ટાફને જ અપાશે પરમિશન
• આ નિયમોના પાલન સાથે કરવામાં આવશે કામકાજ

કોરોના સંકટને પહોંચી વળવા દેશમાં લૉકડાઉન ચાલુ છે. જો કે લોકડાઉનના ચોથા તબક્કામાં જનતાને ઘણી સુવિધા આપવામાં આવી છે.  કોરોનાની સાથે સરકારોએ દેશના અર્થતંત્રને પાટા પર રાખવા માટે કામ કરવું પડ્યું હતું. આ જ રીતે હવે ઉત્તર પ્રદેશની યોગી સરકાર તરફથી એક નવો આદેશ આવ્યો છે  જેના આધારે સોમવારથી રાજ્યની તમામ સરકારી કચેરીઓ 50 ટકા કર્મચારીઓ સાથે ખોલવામાં આવશે.

સવારે 9થી સાંજના 7 વાગ્યા સુધી સરકારી કચેરીઓમાં 3 શિફ્ટમાં કામ થશે

રાજ્યના મુખ્ય સચિવ આર કે તિવારીએ 50 ટકા કર્મચારીઓ સાથે સરકારી કચેરીઓ ખોલવાનો આ આદેશ આપ્યો છે. હુકમ મુજબ સરકાર સાથે સંબંધિત તમામ કચેરીઓ હવે ખોલવામાં આવશે. આ માટે 3 શિફ્ટમાં  સમય ફાળવવામાં આવ્યો છે. નવી સિસ્ટમ મુજબ સવારે 9 થી સાંજના 7 વાગ્યા સુધી સરકારી કચેરીઓમાં 3 શિફ્ટમાં કામગીરી કરવામાં આવશે. પહેલી શિફ્ટ સવારે 9થી સાંજના 5, બીજી શિફ્ટ સવારે 10થી સાંજના 6 અને ત્રીજી શિફ્ટ સવારે 11થી સાંજે 7 વાગ્યા સુધી.

કર્મચારીઓને વૈકલ્પિક વ્યવસ્થા અનુસાર ઓફિસ બોલાવાય તેવો આદેશ

આદેશમાં કહેવાયું છે કે વિભાગના વડા અથવા ઓફિસના વડાએ તેમની ઓફિસમાં કાર્યરત કર્મચારીઓને એવી રીતે બનાવવી જોઈએ કે બધા કર્મચારી વૈકલ્પિક દિવસે ઓફિસ આવે પરંતુ તેના કારણે કામમાં કોઈ મુશ્કેલી ન આવે. આ સાથે એ વાતનું પણ ધ્યાન રાખવામાં આવશે કે કર્મચારીઓ સોશ્યિલ ડિસ્ટન્સિંગનું પાલન કરી શકે અને સાથે જ દરેક કર્મચારીના ફોનમાં આરોગ્ય સેતુ એપનો ઉપયોગ કરવામાં આવે.