ઉતરપ્રદેશ / યોગી સરકારે મુસ્લિમ મહિલાઓ માટે તૈયાર કર્યો પ્રસ્તાવ, ત્રણ તલાક પીડિતાઓને મળશે આટલાં રૂપિયાનું પેન્શન

• ઉત્તર પ્રદેશ સરકારે ત્રણ તલાક પીડિતાઓને આવતા વર્ષથી પેન્શન આપવાનો નિર્ણય કર્યો
• ઉત્તર પ્રદેશ સરકાર પીડિતાઓને 6000 રૂપિયાનું વાર્ષિક પેન્શન આપશે
• સરકારે પ્રદેશની ત્રણ તલાકથી પીડિત 5000 મહિલાઓની ઓળખ કરી છે

પ્રાપ્ત જાણકારી અનુસાર, મામલાની એફઆઇઆર અથવા ફેમિલી કોર્ટમાં ભરણ-પોષણનો કેસ તેનો આધાર રહેશે. તેના માટે સરકારે પ્રદેશની ત્રણ તલાકથી પીડિત 5000 મહિલાઓની ઓળખ કરી છે. પહેલા ચરણમાં આ મહિલાઓને લાભ આપવામાં આવશે. 

ત્રણ તલાકને ગૂનો જાહેર કર્યા બાદ સીએમ યોગી આદિત્યનાથે પીડિત મહિલાઓને મદદ કરવાનું એલાન કર્યું હતું. તેમા કહેવામાં આવ્યું હતું કે, જે મહિલાઓના પતિઓએ તેમને છોડી દીધા છે. તેમને દર વર્ષે 6000 રૂપિયા પેન્શન આપવામાં આવશે.

ત્રણ તલાકના મામલાઓમાં મુખ્યમંત્રી યોગીએ કહ્યું હતું કે, 'યૂપીમાં ગત એક વર્ષમાં 273 મામલા સામે આવ્યા હતા. અમે તમામ મામલાઓમાં એફઆઇઆર નોંધી. મેં અહીં પ્રમુખ સચિવ, ગૃહને એટલા માટે બોલાવ્યા છે કે, તેઓ આ તમામ મામલાઓની ખુદ સમીક્ષા કરે અને જે પોલીસ કર્મીઓએ બેદરકારી દર્શાવી છે, તેમના પર કાર્યવાહી કરવામાં આવે.'