નિર્ણય / દિકરીના લગ્ન માટે સરકાર આપશે 51 હજાર રૂપિયા, જાણો કયા રાજ્યમાં લેવાયો નિર્ણય

• હવે દીકરીના લગ્ન માટે રાજ્ય સરકાર આપશે સહાય
• ઉત્તર પ્રદેશની સરકારે જાહેર કરી આ યોજના
• દીકરીના લગ્ન કરવા માટે રુ.51000ની સહાય

સરકારી યોજનાઓનો લાભ કોને લેવો ન ગમે. સરકાર વૃદ્ધો, બાળકો તથા વિદ્યાર્થીઓ અને દીકરીઓ માટે અનેક યોજનાઓની જાહેરાત કરતી હોય છે.  સરકારની ઘણી બધી એવી યોજના છે જે જેના વિના આપણને ખબર પણ હોતી નથી. ત્યારે આપને જણાવીએ એવી જ એક યોજના જે ખાસ દીકરીઓ માટે લાગુ કરવામાં આવી છે. ઉત્તર પ્રદેશમાં દીકરીઓના લગ્ન માટે સરકાર 51 હજાર રુપિયા આપે છે. આ સ્કીમનું નામ છે શાદી અનુદાન યોજના. ત્યારે જાણીએ વિગતવાર આ સ્કીમ વિશે

કોણ કરી શકે છે અરજી  ?

• કોઈપણ જ્ઞાતિનો પરિવાર અરજી કરી શકે છે
• છોકરીની ઉંમર 18 વર્ષ કે તેથી વધુ હોવી જોઈએ.
• લગ્ન કરવા જઈ રહેલા છોકરાની ઉંમર 21 વર્ષ કે તેથી વધુ હોવી જોઈએ.
• એક પરિવારની માત્ર બે છોકરીઓ જ આ યોજનાનો લાભ લઈ શકશે. 
• અનુસૂચિત જાતિ, અનુસૂચિત જનજાતિ, અન્ય પછાત વર્ગ, લઘુમતી, સામાન્ય વર્ગના પરિવારોની દીકરીઓ અરજી કરી શકે છે.

શાદી અનુદાન યોજનાની શરતો

• અરજદાર ઉત્તર પ્રદેશનો કાયમી નિવાસી હોવો આવશ્યક છે.
• ગ્રામીણ વિસ્તારના રહેવાસીની વાર્ષિક આવક રુ. 46800થી વધુ ન હોવી જોઈએ 
• શહેરી વિસ્તાર માટે રહેવાસીની વાર્ષિક રકમ રુ. 56400થી વધુ ન હોવી જોઈએ.
• અરજદાર પાસે આધાર કાર્ડ હોવું આવશ્યક છે.
•  અરજદારના આવકના પ્રમાણપત્રની સાથે લગ્ન કરનાર યુગલની ઉંમરનો પુરાવો હોવો જરૂરી 
• સરકારી બેંકમાં ખાતું હોવું જરૂરી છે. જેથી મળેલી ગ્રાન્ટની રકમ સીધી બેંક ખાતામાં જઈ શકે. 
• બેંક અકાઉન્ટ આધાર સાથે લિંક હોવું જોઈએ.

જાતિ પ્રમાણપત્ર ફરજિયાત

જો અરજદાર OBC/SC/ST કેટેગરીના હોય તો તેની પાસે જાતિનું પ્રમાણપત્ર હોવું જરૂરી છે.
અન્ય જ્ઞાતિઓ માટે તેની જરૂર નથી.
સરકાર તરફથી મળતી ગ્રાન્ટની રકમ દીકરીના લગ્નના 90 દિવસ પહેલા અથવા 90 દિવસ પછી જ ઉપાડી શકાશે.

કેવી રીતે લાભ લેવો

યોજનાનો લાભ લેવા માટે યુપી સરકારની વેબસાઈટ shadianudan.upsdc.gov.in પર જઈને રજીસ્ટ્રેશન કરાવવાનું રહેશે. વેબસાઈટના હોમ પેજ પર નવા રજીસ્ટ્રેશન વિકલ્પ પર જઈને વિનંતી કરેલ માહિતી અને દસ્તાવેજો આપીને અરજી પર પ્રક્રિયા કરવામાં આવશે.

કેન્દ્ર સરકારની પણ છે યોજના

શાદી શગુન યોજના કેન્દ્ર સરકાર દ્વારા પણ ચલાવવામાં આવે છે. આ યોજના હેઠળ દીકરીઓને લગ્ન માટે 51 હજાર રુપિયા આપવામાં આવે છે. પરંતુ આ યોજના દેશના  અલ્પસંખ્યક પરિવાર માટે જ છે. આ યોજનાનો ફાયદો લેવા માટે લગ્ન કરતી યુવતીએ ગ્રેજ્યુએશન કર્યુ હોવુ જરુરી છે. આ યોજનાની એક શરત એ પણ છે કે આ એવી જ મુસ્લિમ યુવતીઓને સહાય મળે જેમણે સ્કૂલ લેવલ પર બેગમ હજરત મહલ નેશનલ સ્કોલરશિપ પ્રાપ્ત કરી હોય.