Video Viral / લોકડાઉનમાં બહાર નીકળેલાં મંદબુદ્ધિના યુવાન પાસે પોલીસે કરાવ્યું એવું કે તમને દુ:ખ થશે, પોલીસકર્મી સસ્પેન્ડ

• યૂપીમાં પોલીસે મંદબુદ્ધિને આપી સજા
• લૉકડાઉનમાં બહાર નીકળેલા આ વ્યક્તિને કરાવ્યો ડાન્સ
• વીડિયો વાયરલ થતાં પોલીસ કર્મી થયા સસ્પેન્ડ

હાલમાં એક વીડિયો સોશિયલ મીડિયા પર વાયરલ થયો છે. જેમાં એક પોલીસ સ્ટેશનની અંદર કેટલાક પોલીસકર્મીઓ સપના ચૌધરીના લોકપ્રિય ગીત 'તેરી આંખ્યા કા યો કાજલ' પર માનસિક વિકલાંગ યુવાનને ડાન્સ કરી રહ્યા હતા. જ્યારે યુવક પોલીસ સ્ટેશનમાં નાચતો હતો ત્યારે તે સમયે ત્યાં ચોકીના ઇન્ચાર્જ વિશ્વનાથ મિશ્રા, મહિલા કોન્સ્ટેબલ સંજના અને ઘણા પોલીસ કર્મચારી હાજર હતા. આ બધા સપના ચૌધરીના ગીત પર તે યુવકના નૃત્યની મજા લઇ રહ્યા હતા, પરંતુ કોઈએ યુવકને રોક્યો ન હતો અને વિરોધ કર્યો ન હતો.

This is a police outpost in Uttar Pradesh.@etawahpolice say they have suspended the cop for making this man perform this. pic.twitter.com/wnANIePhrU

— Omar Rashid (@omar7rashid) May 3, 2020

ચોકીના ઈન્ચાર્જને ડ્યુટી પરથી હટાવી દેવાયા

વીડિયો સોશિયલ મીડિયા પર વાયરલ થયા પછી એસપી સિટી રમ્યશસિંહે સીઓ સદરને તપાસનો આદેશ આપ્યો છે. એસપીએ જણાવ્યું હતું કે દોષિતો સામે કાર્યવાહી કરવામાં આવશે. જિલ્લાના એસએસપી આકાશ તોમારે માહિતી આપી હતી કે ચોકીના ઇન્ચાર્જ વિશ્વનાથ મિશ્રાને પોલીસ સ્ટેશનમાંથી હટાવવામાં આવ્યા છે અને અનુશાસનના આરોપસર પોલીસ લાઇનમાં મોકલવામાં આવ્યા છે.