ભૂલ / ચાર વર્ષમાં ચાર લાખ નોકરીના દાવા વચ્ચે એવી ઘેરાઈ યુપી સરકાર કે CM યોગીએ ડિલીટ કરવું પડ્યું ટ્વિટ

• અકાઉન્ટન્ટની કોઈ ભરતી કાઢવામાં આવી જ  નહોંતી.
• સત્તાવાર હેન્ડલથી નિરાધાર અને જૂઠા ટ્વીટ અને એક વીડિયો જારી કર્યો
•  કાર્યાલય દ્વારા આ ટ્વીટને ડિલીટ કરવામાં આવી 

 અકાઉન્ટન્ટની કોઈ ભરતી કાઢવામાં આવી જ  નહોંતી

ઉત્તર પ્રદેશ કોંગ્રેસ કમિટીના અધ્યક્ષ અજય કુમાર લલ્લૂએ રાજ્યની યોગી આદિત્યનાથ સરકાર પર રોજગારના નામ પર યુવાઓ સાથે મજાક કરવાનો આરોપ લાગવતા ગુરુવારે કહ્યું કે રાજ્ય સરકાર ફક્ત હોડિંગ, બ્રાન્ડિંગ અને જૂઠી ઈવેન્ટ મેનેજમેન્ટના સહારે ચલી રહી છે. લલ્લૂએ આ નિવેદન જારી કરેલા નિવેદનમાં કહ્યું કે અકાઉન્ટન્ટની ભરતીને લઈને જે પ્રકારે સીએમઓના સત્તાવાર હેન્ડલથી નિરાધાર અને જૂઠા ટ્વીટ અને એક વીડિયો જારી કર્યો છે તે પ્રદેશના બેરોજગાર યુવાઓના ભવિષ્ય સાથે રમતની ક્રુર મજાક છે. હકિકત એ છે કે અકાઉન્ટન્ટની કોઈ ભરતી કાઢવામાં આવી જ  નહોંતી.

 કાર્યાલય દ્વારા આ ટ્વીટને ડિલીટ કરવામાં આવી 

કોંગ્રેસ પાર્ટીએ જ્યારે આ જૂઠ્ઠાણું પકડી પાડ્યુ તો મુખ્યમંત્રી કાર્યાલય દ્વારા આ ટ્વીટને ડિલીટ કરવામાં આવી હતી. તેમણે આરોપ લગાવ્યો કે યોગી સરકાર ફક્ત પીઆર, હોર્ડિંગ, બ્રાન્ડિંગ અને જૂઠી ઈવેન્ટ મેનેજમેન્ટના સહારે ચાલી રહી છે. સરકાર રાજ્યની જનતાની મોટી કમાણીના કરોડો રુપિયા વિજ્ઞાપન અને ઈવેન્ટ્ મેનેજમેન્ટ પર પાણીની જેમ ખર્ચીને જનતાને ગુમરાહ કરવાનો પ્રયાસ કરે છે. જ્યારે રાજ્યની સ્થિતિ હદથી વધારે ખરાબ થઈ રહી છે.

સપા અને બસપાની ભાજપ સાથે આંતરિક સાંઠગાઠ થઈ ચૂકી છે

રાજ્ય કોંગ્રેસ અધ્યક્ષે કહ્યુ કે મુખ્યમંત્રી કાર્યાલય દ્વારા રોજગારને લઈને કરવામાં આવેલા ટ્વીટને બેરોજગારોની મજાક ઉડાડી મીઠું ભભરાવાનું કામ કર્યુ છે.  તેમણે કહ્યું કે આટલા ગંભીર મુદ્દાઓ પર સમાજવાદી પાર્ટી અને બહુજન સમાજ પાર્ટી દ્વારા કોઈ પ્રતિક્રિયા ન આપવી પણ ગંભીર સવાલ ઉત્પન્ન કરે છે. એવું લાગે છે કે સપા અને બસપાની ભાજપ સાથે આંતરિક સાંઠગાઠ થઈ ચૂકી છે. 

ભાજપ જૂઠા અને ભ્રામક પ્રચાર કરી રાજ્યની જનતાને ગુમરાહ કરે છે

લલ્લૂએ કહ્યું કે ભાજપ જૂઠા અને ભ્રામક પ્રચાર કરવા અને પ્રદેશની જનતાને લલચાવવા નારા આપીને સત્તા મેળી દીધી છે પણ તે પોતાના કોઈ પણ વાયદા પર ખરી નથી ઉતરી રહી તે પોતાની નિષ્ફળતાઓને છુપાવીને લોભાવનારા નારા અને મોટા મોટા હોડિંગોના માધ્યમથી સરકારનું બ્રાન્ડિંગ કરવામાં લાગી છે.

ભાજપે 5 વર્ષમાં 70 લાખ રોજગારીનો વાયદો કર્યો હતો પરંતુ...

રાજ્યના કોંગ્રેસ અધ્યક્ષે કહ્યુ કે ભાજપે 5 વર્ષમાં 70 લાખ રોજગારીનો વાયદો કર્યો હતો પરંતુ સ્વયં સીએમે સ્વીકાર્યુ કે સરકાર અત્યાર સુધીમાં માત્ર 4 લાખ રોજગાર જ આપી ચૂકી છે. સરકાર દ્વારા કાઢવામાં આવેલી 24 પ્રકારની ભરતીમાંથી 22 ભરતી હજું સુધી પેન્ડિંગ છે.