ઉત્તરપ્રદેશ / '....નહીં તો બૉમ્બથી ઉડાઇ દઇશું', ભાજપના સાંસદને લશ્કર-એ-ખાલસાનો ધમકીભર્યો મેસેજ પોલીસ ઍલર્ટ

• ઉત્તર પ્રદેશની રામપુર લોકસભા બેઠકના સાંસદને ધમકી
• BJPના સાંસદ ઘનશ્યામ સિંહ લોધીને જાનથી મારી નાખશું
• લશ્કર-એ-ખાલસા સંગઠને મોકલ્યો વોટ્સએપ પર ધમકીભર્યો મેસેજ

ઉત્તર પ્રદેશની રામપુર લોકસભા બેઠક પરથી ભારતીય જનતા પાર્ટી (BJP)ના સાંસદ ઘનશ્યામ સિંહ લોધીને જાનથી મારી નાખવાની ધમકી મળી છે. ઘનશ્યામ સિંહ લોધીને વોટ્સએપ પર ધમકીભર્યો મેસેજ મળ્યો છે. મેસેજ મોકલનાર વ્યક્તિએ પોતાને લશ્કર-એ-ખાલસા સંગઠનનો સંદીપ સિંહ ખાલિસ્તાની ગણાવ્યો છે. સાંસદે આ અંગે રામપુરના પોલીસ અધિક્ષક અશોક કુમાર શુક્લાને ફરિયાદ કરી છે. પોલીસે કેસ નોંધીને તપાસ શરૂ કરી છે.

વોટ્સએપ પર ધમકીભર્યો મેસેજ
આ અંગે પત્રકારો સાથે વાત કરતા ભાજપના સાંસદ ઘનશ્યામ સિંહ લોધીએ જણાવ્યું હતું કે એક દિવસ પહેલા વહેલી સવારે વોટ્સએપ પર કોલ આવી રહ્યો હતો, જે રિસીવ થયો ન હતો. મેસેજ પણ એ જ નંબર પરથી આવ્યો હતો. મેસેજ મોકલનારાએ ભાજપ છોડવાનું કહ્યું છે અને એમ પણ લખ્યું છે કે જો તમે આમ નહીં કરો તો તમને અને તમારા પરિવારને બોમ્બથી ઉડાવી દેવામાં આવશે. તેમણે કહ્યું કે સંદેશ મોકલનારએ કહ્યું હતું કે ભાજપના ટોચના નેતાઓ અને રાષ્ટ્રીય સ્વયંસેવકને પણ નિશાન બનાવવામાં આવી રહ્યા છે. સાંસદે આ અંગે એસપીને ફરિયાદ કરવાની પણ માહિતી આપી હતી.

UP | BJP MP Ghanshyam Singh Lodhi has received threats on WhatsApp. Case registered. Teams have been formed to investigate whether the same WhatsApp message received by him has been sent to other people also: AK Shukla, SP Rampur, on BJP MP GS Lodhi receiving death threats(06.01) pic.twitter.com/kL6Mhu9tC7

— ANI UP/Uttarakhand (@ANINewsUP) January 6, 2023

આ કોઈ રાજકીય કાવતરું પણ ખરું
તેમણે એવી આશંકા પણ વ્યક્ત કરી હતી કે આ કોઈ રાજકીય કાવતરું પણ હોઈ શકે છે. ઘનશ્યામ સિંહ લોધીએ જણાવ્યું હતું કે આવા ધમકીભર્યા સંદેશાઓ અગાઉ ક્યારેય આવ્યા નથી. મારે કોઈની સાથે દુશ્મની નથી. તેમણે કહ્યું કે અમે એસપીને આ મામલાની તપાસ કરવા અને દોષિતો સામે કાર્યવાહી કરવાની માંગ કરી છે. પરિવારને બોમ્બની ધમકી મળી છે પરંતુ અમે ડર્યા નથી. અમે ભાજપના સાચા સૈનિક છીએ.

સુરક્ષા વધારવાની જરુરુ નથી
સુરક્ષા વધારવાના સવાલ પર બીજેપી સાંસદે કહ્યું કે મને તેની જરૂર નથી. અત્યાર સુધી જે સુરક્ષા આપવામાં આવી છે તે પુરતી છે. બીજી તરફ, રામપુરના પોલીસ અધિક્ષક અશોક કુમાર શુક્લાએ કહ્યું કે આ જ મેસેજ ઘણી જગ્યાએ ફરતો થઈ રહ્યો છે. આવો જ સંદેશ સાંસદને પણ આવ્યો છે. તેમણે કહ્યું કે અમે જનપ્રતિનિધિઓ સાથે બેઠક કરી હતી અને ત્યાં સાંસદે આ મુદ્દો ઉઠાવ્યો હતો.

પોલીસની ટીમ તપાસમાં
પોલીસ અધિક્ષકે કહ્યું કે સાંસદની ફરિયાદને ગંભીરતાથી લઈને પોલીસ કેસ નોંધીને તપાસ કરી રહી છે. તેમણે કહ્યું કે અમે સીઓ સિટી, એસઓજીની ટીમને તપાસની જવાબદારી સોંપી છે. મેસેજ મોકલનારને શોધી કાઢવામાં આવી રહ્યો છે. એસપીએ એમ પણ કહ્યું કે જો કોઈ આવું કરવાની હિંમત કરશે તો તેની સામે કડક કાર્યવાહી કરવામાં આવશે.