ઉત્તરપ્રદેશના ભાજપના ધારાસભ્યનો એક વીડિયો વાયરલ થયો છે. જેમાં તે લોકોને અપીલ કરતા નજરે પડે છે. ધારાસભ્ય સુરેશ તિવારીએ લોકોને કહ્યું કે મુસ્લિમો પાસેથી કોઈએ શાકભાજી ન ખરીદવી.
ઉત્તરપ્રદેશ ભાજપના MLAનું વિવાદિત નિવેદન
ભાજપના ધારાસભ્ય સુરેશ તિવારીનો વીડિયો વાયરલ
મુસ્લિમો પાસેથી શાક ન ખરીદવા કહ્યું
કોરોના મહામારીને રોકવા લોકડાઉન વચ્ચે દેશમાં કેટલીક એવી ઘટનાઓ બની રહી છે. જેમાં કોઈ સમાજને ટાર્ગેટ કરાઈ રહ્યો હોય ત્યારે હવે ભાજપના જ ધારાસભ્યનો વીડિયો સામે આવ્યો છે જેમાં તે શાકભાજી ખરીદવા માટે લોકોને ચેતવી રહ્યા છે. દેવરિયા જિલ્લાના બરહજ વિધાનસભા બેઠકના ભાજપના ધારાસભ્યએ લોકોને કહ્યું કે એક વસ્તુ ધ્યાનમાં રાખી લો. હું સૌને કહી રહ્યો છું કે મુસ્લિમો પાસેથી શાકભાજી ન ખરીદો. ધારાસભ્યના આ નિવેદન બાદ હવે વિવાદ થયો છે.
ધારાસભ્યએ કરી સ્પષ્ટતા
ધારાસભ્ય સુરેશ તિવારીએ કહ્યું છે કે ઔવૈસી હિંદુઓ માટે અપશબ્દો બોલતા હતા ત્યારે કોઈ વિચાર કરતું ન હતું. તેમની સ્પષ્ટતાથી લાગે છે કે તેમને પોતાના નિવેદન માટે કોઈ રંજ નથી. તેઓએ સ્પષ્ટતા કરતાં કહ્યું કે હું 17-18 એપ્રિલે નગરપાલિકા ગયો હતો. અહીં 10-12 લોકો હતા. જેઓ ફરિયાદ કરવા લાગ્યા હતા કે મુસ્લિમો શાકમાં થૂંક લગાવીને વેચી રહ્યા છે. આ પછી અમે તેમની પાસેથી શાક ખરીદવાનું બંધ કર્યું છે. શક્ય છે કે કોરોનાથી બચી શકાય.
ધારાસભ્ય તિવારીએ વધુમાં કહ્યું કે મારા વીડિયોને વાયરલ કરીને વધારવામાં આવી રહ્યો છે. મેં કોઈ ખોટી વાત કહી નથી.
સપાની માંગ
આ કેસમાં સપાના પ્રવક્તા અનુરાગ ભદૌરિયાએ કહ્યું કે ભાજર વિધાયક આ સમયમાં સમાજમાં ઝેર ભેળવવાનું કામ કરી રહ્યા છે. આ લોકો પર દેશદ્રોહનો કેસ કરો અને જેલમાં મોકલી દો.