શરમજનક / ઉત્તર પ્રદેશમાં નેશનલ લેવલની મહિલા ખેલાડીની દુષ્કર્મ બાદ હત્યા, રેલવે ટ્રેકના કિનારે મળી લાશ

ઉત્તર પ્રદેશના બીજનોર જિલ્લામાં એક કરુણ ઘટના બની હતી. ભારતની રાષ્ટ્રીય ખો ખો ટીમમાં રમી ચૂકેલી મહિલા ખેલાડીનું નિધન થઈ ગયું હતું. 

પરિવારનો રેપનો આક્ષેપ 
તેણીના પરિવારે તેણી સાથે દુષ્કર્મ થયું હોવાનો આરોપ લગાવ્યો હતો. રિપોર્ટ્સના જણાવ્યા મુજબ તેઓ કુટિયા કોલોનીમાં રહેતા હોવાનું માલૂમ પડ્યું હુત. 24 વર્ષની પીડિતા નેશનલ લેવલની ખો-ખો પ્લેયર રહી ચૂકી છે. તે શુક્રવારે સવારે પોતાની જૂની સ્કૂલે બાયો ડેટા જમા કરાવવા માટે ગઈ હતી. ત્યાર બાદ ટે પરત ન ફરતા પરિવારજનો ચિંતામાં મુકાયા હતા. તેમણે ફોન કરીને તેણીનો સંપર્ક કરવાનો પ્રયત્ન કર્યો હતો. પરંતુ ફોન સ્વિચ ઓફ આવતો હતો. 

મહિલાએ કરી ઓળખ 
આ રીતે પરત ન આવ્યા બાદ કલાકો બાદ તે રેલવે ક્રોસિંગ નજીક મળી આવી હતી. ઓળખ કરનાર મહિલા તેની પાડોશી મહિલા હતી. પીડિતા શ્વાસ લઈ શક્તિ નહોતી અને મહેનત કરી રહી હતી. તે અર્ધજાગ્રત અવસ્થામાં પાડોશી મહિલાને મળી આવી હતી અને તેણીના ગળામાં દુપટ્ટો કડક રીતે વીંટી દેવામાં આવ્યો હતો. ઘટના સ્થળથી પીડિતાનું ઘર માત્ર 30 મીટર જેટલું જ દૂર હોવાનું માલૂમ પડ્યું હતું. 

બાદમાં તરત તેને હોસ્પિટલ લઈ જવામાં આવી હતી. જ્યાં પ્રાથમિક તપાસ બાદ ડોક્ટરોએ તેણીનએ મૃત ઘોષિત કરી દીધી હતી. પોલીસની GRP અને  RPF ટીમ પણ ઘટના સ્થળે પહોંચી હતી. 

પીડિતાની બહેને શું કહ્યું?
આ ઘટનાથી ખૂબ વ્યથિત થઈ ગયેલી પીડિતા ની બહેને કહ્યું હતું કે મારી બહેન નેશનલ લેવલની ખોખો પ્લેયર હતી. નવેમ્બર મહિનામાં તેના લગ્ન થવાના હતા. 
ઘટના બાદ પોલીસે તપાસ હાથ ધરી હતી અને બોડીને પોસ્ટ મોર્ટમ માટે મોકલી દેવામાં આવી હતી. નાજીબાબાદ સરકારી રેલવે પોલીસ દ્વારા આ કેસની ફરિયાદ નોંધવામાં આવી હતી. 

પોલીસની તપાસમાં ખેલાડી આરોપીઓ સાથે લડી હોય તેવું લાગ્યું હતું . તેને કાબૂમાં લેવા માટે માર મારવામાં આવ્યો હતો. પોલીસ માને છે કે આરોપી ડ્રગ્સના વ્યસની પણ હોઈ શકે છે. પ્રત્યક્ષદર્શીઓના જણાવ્યા મુજબ ઘટનાની નજીક એક સિરીંજ અને માદક ઇન્જેક્શનની સિરીંજ પડી હતી. એક ટિફિન પણ ખુલ્લું મળી આવ્યું છે. તેમાં થોડો ખોરાક હતો. મોડી રાત્રે પોલીસે બળાત્કાર અને હત્યાનો ગુનો નોંધ્યો છે

ખેલાડી સીસીટીવી કેમેરામાં લગભગ 11:46 ની આસપાસ જતા જોવા મળે છે. 01:46 વાગ્યે તેણી આવતી જોવા મળે છે. પરત ફરતી વખતે આ ઘટના બની હતી. એસએસપી બિજનૌર ડો.ધર્મવીર સિંહ ડોગ સ્કવોડ ટીમ અને કોતવાલી શહેર પોલીસને આ મામલાની તપાસ માટે મોકલવામાં આવ્યા હતા. આરોપી પકડાશે. જીઆરપી સ્ટેશન ઇન્ચાર્જ  ખાનના જણાવ્યા અનુસાર, એફઆઇઆર લખાઇ છે. આરોપીની શોધખોળ ચાલુ છે.