યુપીની ગોરખપુર ફૂલપુર અને બિહારની અરરિયા બેઠક પર મતગણતરી

લખનૌઃ ઉત્તરપ્રદેશની ગોરખપુર ફૂરપુર અને બિહારની અરરિયા સહીત બે વિધાનસભાની બેટકો પર મતગણતરી શરૂ છે. થોડીવારમાં શરૂઆતી વલણ સ્પષ્ટ થઇ જશે.

ઉત્તરપ્રદેશમાં મુખ્યમંત્રી યોગી આદિત્યનાથ અને ઉપમુખ્યમંત્રી કેશવ પ્રસાદ મૌર્યનું રાજકીય ભવિષ્ય દાવ પર છે. ત્યારે બિહારમાં પૂર્વ મુખ્યમંત્રી તેજસ્વી યાદવ પર દરેકની નજર છે. દરેક બેઠકો પર 11 માર્ચમાં મતદાન થયું હતું.

ઉત્તરપ્રદેશની 2 લોકસભા બેઠક પર પેટા ચૂંટણીની મતગણતરી શરૂ થઈ ગઈ છે. ગોરખપુર બેઠક પર ભાજપ આગળ ચાલી રહ્યું છે. ગોરખપુર બેઠક પર ભાજપના ઉપેન્દ્ર શુક્લ આગળ છે. જ્યારે ફુલપુર બેઠક પર સમાજવાદી પાર્ટી આગળ ચાલી રહી છે. જ્યારે ભાજપના કૌશલેન્દ્ર પટેલ પાછળ ચાલી રહ્યા છે. 

બિહારની અરરિયા લોકસભા અને અન્ય 2 વિધાનસભા બેઠક પર મતગણતરી શરૂ થઈ ગઈ છે. અરરિયા લોકસભા બેઠક પર આરજેડી આગળ ચાલી રહ્યું છે. તો ભભુઆ વિધાનસભા બેઠક પર ભાજપ આગળ ચાલી રહ્યું છે. જ્યારે જહાનાબાદ વિધાનસભા બેઠક પર આરજેડી આગળ ચાલી રહ્યું છે.

મહત્વનું છે કે અરરિયા બેઠક પર ભાજપ અને આરજેડી વચ્ચે સીધી ટક્કર છે. જ્યારે ભભુઆ બેઠક પર ભાજપ અને કોંગ્રેસ વચ્ચે ટક્કર છે. તો જહાનાબાદ બેઠક પર આરજેડી અને જેડીયુ મેદાને છે.