ઉત્તર પ્રદેશના બરેલીમાં એક ગર્ભવતી મહિલા સાથે ગેંગરેપનો મામલો સામે આવ્યો છે. ગેંગરેપ બાદ ત્રણ મહિનાના ગર્ભનું પેટમાં જ મોત થયું હતું.
ઉત્તર પ્રદેશના બરેલીમાં એક ગર્ભવતી મહિલા પર રેપ
મહિલા ન્યાય માટે ગર્ભને લઈને પોલીસ સ્ટેશન પહોચી
મામલો સામે આવતા પોલીસે કડક કાર્યવાહીના પગલા ભર્યા
ઉત્તર પ્રદેશના બરેલીમાં એક શરમજનક ઘટના સામે આવી છે. અહીં એક ગર્ભવતી મહિલા સાથે ગેંગરેપનો મામલો સામે આવ્યો છે. ગેંગરેપ બાદ ત્રણ મહિનાના ગર્ભનું પેટમાં જ મોત થયું હતું. પીડિતા ન્યાય માટે ડબ્બામાં ગર્ભને લઈને એસએસપી ઓફિસ પહોંચી હતી. 13 સપ્ટેમ્બરના રોજ મહિલા સાથે ગેંગરેપ થયો હતો. ત્રણેય શખ્સોએ તેને અંજામ આપ્યો હતો. આ મામલો સામે આવ્યા બાદ SSAPએ કડક કાર્યવાહીના આદેશ આપ્યા છે. મામલો પોલીસ સ્ટેશન બિશરત ગંજ વિસ્તારનો છે.
મહિલા 3 મહિનાની ગર્ભવતી
આરોપીએ 3 મહિનાની ગર્ભવતી મહિલા સાથે ગેંગરેપ કર્યો હતો. મહિલા કોઈ કામ માટે ખેતરમાં ગઈ હતી ત્યારે આ ઘટના બની હતી. સાથે જ ત્યાં બેઠેલા ગામના બદમાશોએ મહિલાઓ પર બળાત્કાર ગુજાર્યો હતો.
ગર્ભમાં રહેલ બાળકનું મોત
બળાત્કાર બાદ આરોપી મહિલાને ત્યાં મૂકીને ભાગી ગયો હતો. જાણકારી અનુસાર પીડિતા જ્યારે લાંબા સમય સુધી ઘરે ન પહોંચી તો પરિવાર ખેતરમાં જોવા માટે ગયા જ્યાં તે ગંભીર હાલતમાં મળી આવી હતી. પરિવારજનો મહિલાને ખાનગી હોસ્પિટલમાં લઈ ગયા, જ્યાં ડોક્ટરોએ બાળકનો જીવ બચાવવા માટે પૂરી કોશિશ કરી, પરંતુ બચાવી શક્ય ન હતા. દુષ્કર્મ દરમિયાન ગર્ભમાં રહેલ બાળક મૃત્યુ પામ્યું હતું. મહિલાનો પરિવાર ન્યાય માટે અધિકારીઓના ચક્કર લગાવી રહ્યો છે.