ગાળિયો કસાયો / UPમાં પણ મૌલાના કમરગનીએ કિશન હત્યા કેસ જેવો ઘાટ ઘડ્યો?, અમદાવાદમાં ઉત્તરપ્રદેશ ATSના ધામા

• અમદાવાદમાં ઉત્તરપ્રદેશ ATSના ધામા
• મૌલાના કમરગીની ઉસમાનીની સતત પુછપરછ
• ગત મોડી રાતથી યુપી ATS ની પૂછપરછનો દોર

કિશન હત્યા કેસ બાદ આરોપીની સધન પૂછપરછમાં અનેક સંસ્થાઓ જોડાઈ તેમાં હવે અમદાવાદમાં ઉત્તરપ્રદેશ ATSએ ધામા નાખ્યા છે. ગત મોડી રાતથી UP ATSની ટીમ મૌલાના કમરગીની ઉસમાનીની સતત પુછપરછ કરી રહી છે. કમર ગની અને મૌલાના અયુબ જાવરાવાલાને લઈ આ તપાસ થઈ રહી છે. UPમાં હત્યાના સંભવિત ષડયંત્ર મામલે સમગ્ર તપાસનો રેલો બંને મૌલાના સુધી પહોંચ્યો છે. ગુજરાત સિવાય UPમાં કોઈની રેકી થઈ હોવાની આશંકાએ આ તપાસ શરૂ થઇ છે. બંને શખ્સોએ 11 લોકોની માહિતી એકઠી કરી હોવોનું પ્રાથમિક તારણમાં મળી આવ્યું છે.

ગુજરાતમાં 6 આવ્યો હતો મૌલાના કમર ગની
કિશન હત્યા કેસના બનાવ પહેલા મૌલાના કમર ગની 6 વાર ગુજરાત આવ્યો હતો. ગુજરાતમાં અમદાવાદ, બરોડા અને સુરતમાં રોકાયો હતો અને અનેક યુવકોના બ્રેઇન વોશ કર્યું હતું. મૌલાના યુવાનોને સંગઠનમાં જોડાવવા રૂ.365 ફી લેતો હતો. જે બાદ હવે પાકિસ્તાન અને આતંકી કનેક્શન ખુલતા NIA તપાસમાં જોડાઇ છે. 

17 જેટલા મુદ્દે તપાસ બાકી 
ATS આરોપીઓને કોર્ટમાં રજૂ કરી મોબાઈલ અને સીમકાર્ડ શોધવાના બાકી હોવાના સહિત 17 જેટલા મુદ્દા મામલે તપાસ બાકી હોવાનુ જણાવી 14 દિવસના રીમાન્ડ માંગ્યા હતા પરંતુ બચાવપક્ષ તરફથી આ મુદ્દાને રીપીટેડ ગણાવ્યા હતા. જેથી કોર્ટે 14 દિવસની જગ્યાએ 9 દિવસના રીમાન્ડ ગ્રાહ્ય રાખ્યા હતા

કિશન ભરવાડ હત્યા કેસમાં કઈ કઈ સંસ્થાઓ જોતરાયેલી?
કિશન ભરવાડ હત્યા કેસમાં મૌલાના અને તેના સંગઠનમાં જોડાયેલા લોકોની ગુજરાત ATS તપાસ શરૂ કરી છે. સંગઠન ના ફન્ડીગને લઈને ED તપાસમાં જોડાઈ છે.જ્યારે આરોપીઓની આતંકી પ્રવૃત્તિ સાથે સંડોવણી હોવાની શક્યતાને લઈને સેન્ટ્રલ IB અને NIA ની ટીમેં પણ આરોપીની પૂછપરછ શરૂ કરી છે. તે સિવાય હવે અમદાવાદમાં ઉત્તરપ્રદેશ ATS પણ મૌલાના કમરગીની ઉસમાનીની સતત પુછપરછ કરી રહી છે.

પાકિસ્તાન કનેક્શન નહી- ATS 
થોડા દિવસ અગાઉ ATSએ સમગ્ર મામલે પત્રકાર પરિષદ સંબોધતા જણાવ્યુ હતુ કે દાવત એ ઇસ્લામ મુદ્દે તપાસ કરવામાં આવી રહી છે. દાવત એ ઇસ્લામી અને ફંડીગ મામલે પોલીસ પૂછપરછ કરી રહી છે. તો એટીએસએ ઝડપાયેલા નવા 3 આરોપીઓએ  હત્યા મામલે આરોપીઓને રહેવાનુ જમવાનુ તથા પૈસા અને સંતાવવા માટે જગ્યા પણ શોધી આપી હતી. જેમાં એક પોરબંદરનો હુસૈન ખતરી, મતીન અને અન્ય એક આરોપીનો સમાવેશ થાય છે. તો સમગ્ર મામલે ATSએ ચોંકાવનારો ખુલાસો કરતા જણાવ્યુ હતુ કે સમગ્ર મામલે પાકિસ્તાનનું કોઇ કનેક્શન નથી.