બોલિવુડમાં ગયા વર્ષે ઘણા કપલ્સના લગ્ન થયા પરંતુ દીપિકા અને રણવીર વચ્ચે પ્રેમ જોવા મળે છે, તેવો ભાગ્યે જ કોઇ કપલ વચ્ચે જોવા મળે છે. બંનેએ જાહેરમાં જે રીતે વર્તન કરે છે તે પરથી દેખાય કે બંને એકબીજાના ગળાડૂબ પ્રેમમાં છે. તાજેતરમાં જ આનંદ આહુજા સોનમના શૂઝની દોરી બાંધી આપતો હોય તેવો ફોટો વાયરલ થયો હતો. રણવીરે પણ તેની પત્ની દીપિકા માટે કંઇક આવુ જ કર્યુ છે.
દીપિકા રણવીર તાજેતરમાં મુંબઈમાં એક લગ્નમાં ગયા હતા. આ સેલિબ્રેશનમાં ઘણા વીડિયોઝ અને ફોટોઝ સોશ્યલ મીડિયા પર વાયરલ થયા છે. પરંતુ તેમાંથી કોઇ ફોટોએ લોકોનું ખાસ ધ્યાન દોર્યુ છે.
દીપિકા સફેદ ફ્લોરલ સાડીમાં આગળ ચાલતી જોવા મળે છે અને પ્રેમાળ તથા કેરિંગ પતિ તરીકે રણવીર પાછળ ચાલી રહ્યો છે, તેના હાથમાં દીપિકાના સેન્ડલ પક્ડયા છે.
ફોટોઝ પરથી લાગે છે કે મંડપ નજીક કોઈ દેવતાની મૂર્તિ હતી અને એટલે જ દીપિકાએ પોતાના સેન્ડલ કાઢી નાંખ્યા હતા. તેણે સાડી પહેરી હતી એટલે તેના માટે હાથમાં સેન્ડલ લઈને ક્રાઉડમાં ચાલવુ મુશ્કેલ હતુ એટલે રણવીર તેના સેન્ડલ પકડીને મદદ કરી હતી.