મનોરંજન / પ્રિયંકા ચોપડાએ માલતી સાથે સેલિબ્રેટ કર્યો પહેલો બર્થ ડે, સામે આવ્યો મા-દિકરીનો સૌથી ક્યૂટ ફોટો

• પ્રિયંકા ચોપરા અને માલતીનો ફોટો વાયરલ
• પ્રિયંકાના બર્થ ડે સેલિબ્રેશનની છે તસવીર 
• સોશિયલ મીડિયા પર વાયરલ થયો અનસીન ફોટો 

ગ્લોબલ સ્ટાર પ્રિયંકા ચોપરાએ હાલમાં જ તેનો 40મો જન્મદિવસ ઉજવ્યો છે. પ્રિયંકાએ પોતાનો ખાસ દિવસ પરિવાર અને મિત્રો સાથે ઉજવ્યો. પ્રિયંકાનો 40મો જન્મદિવસ તેના માટે ખૂબ જ ખાસ હતો કારણ કે તેણે પુત્રી માલતી સાથે પ્રથમ જન્મદિવસ ઉજવ્યો હતો. 

પ્રિયંકાની બર્થડે પાર્ટીમાં તેની માતા મધુ ચોપરા, નિક જોનાસ, તેના માતા-પિતા, તમન્નાહ દત્તા, નતાશા પૂનાવાલા સહિત ઘણા સેલેબ્સ સામેલ થયા હતા. પ્રિયંકાના જન્મદિવસની ઉજવણીની તસવીરો સામે આવી છે. જેમાં પ્રિયંકા દીકરી માલતીને ખોળામાં લઈને જોવા મળી રહી છે.

 

 

 

 

View this post on Instagram

 

 

 

 

 

 

 

 

 

 

 

A post shared by Tamanna Dutt (@tam2cul)

ફ્રેન્ડે બર્થ ડે પાર્ટીની તસવીરો કરી શેર 
પ્રિયંકાની ફ્રેન્ડ તમન્નાએ તેની બર્થડે પાર્ટીની તસવીરો સોશિયલ મીડિયા પર શેર કરી છે. જે પોસ્ટ થતાની સાથે જ વાયરલ થઈ ગઈ છે. તમન્નાએ પ્રિયંકાની એક તસવીર શેર કરી છે જેમાં પુત્રી માલતી જોવા મળી રહી છે.

માલતીનો ચહેરો દેખાતો નથી
તમન્નાએ માલતી અને પ્રિયંકા સાથેની તસવીર શેર કરી છે. જેમાં તેણે માલતીના ચહેરા પર હાર્ટ ઈમોજી લગાવી છે. ફોટોમાં માલતી પીચ કલરના ડ્રેસમાં જોવા મળી રહી છે. જ્યારે પ્રિયંકા રેડ આઉટફિટમાં જોવા મળી રહી છે. રૂમની પાછળના ભાગમાં ઘણા ફુગ્ગાઓ પણ જોવા મળે છે.

તમન્નાએ શેર કર્યો ફોટો
તસવીરો શેર કરતાં તમન્નાએ લખ્યું- અમારા ગ્લોબલને હેપ્પી બર્થ ડે. અગાઉ જ્યારે તમે સિંગલ હતા અને હવે જ્યારે તમારું એક સુંદર પરિવાર છે. ત્યારે તમારો બર્થ ડે સેલિબ્રેટ કરવો શાનદાર છે. ખૂબ પ્રેમ. 22 વર્ષ અને આગળ પણ ચાલુ રહેશે. તમન્નાની પોસ્ટ પર પ્રિયંકાએ કોમેન્ટ કરી છે. પ્રિયંકાએ લખ્યું - હું ખૂબ ખુશ છું કે તમે આવ્યા.