છોટા ઉદેપુરના નસવાડી અને વલસાડના ધરમપુરમાં કમોસમી વરસાદ, અનેક પાકોમાં નુકસાનની ભીતિને લઈ ખેડૂતોમાં ચિંતા
છોટા ઉદેપુરના નસવાડીમાં વાતાવરણમાં પલટો
વલસાડના ધરમપુરમાં પણ કમોસમી મેઘ સવારી
કમોસમી વરસાદથી ખેડૂતોને નુકસાન
વલસાડમાં બે દિવસ કમોસમી વરસાદની આગાહી
વલસાડ જિલ્લામાં છેલ્લા બે દિવસથી વાતાવરણમાં પલટો જોવા મળી રહ્યો છે. શિયાળામાં વરસાદી માહોલ થતાં ખેડૂતોમાં ચિંતા વ્યાપી ગઈ છે. જિલ્લાના ખેડૂતો છેલ્લા બે દિવસ વાતાવરણમાં આવેલા પલટાને કારણે ચિંતામાં છે. જિલ્લામાં અચાનક વાતાવરણમાં પલટો આવતા ધરમપુરના અંતરિયાળ વિસ્તારમાં કમોસમી વરસાદ વરસ્યો છે. સાથે જ સતત વાદળછાયા વાતાવરણને કારણે ખેતીના પાકને વ્યાપક નુકસાનની ભીતિ સેવાઈ રહી છે. વલસાડ અને છોટાઉદેપુર જિલ્લાના ખેડૂતો ચિંતામાં મુકાયા છે.
કમોસમી વરસાદથી ખેડૂતોને નુકસાન
ખૂડોતના ખેતરમાં શાકભાજી અને કઠોળના પાકોનું વાવેતર થયેલું છે ત્યારે અચાનક વાતાવરણમાં પલટો આવતાની સાથે પાકોમાં ભારે નુકસાન થવાની ભીતિ સેવાઈ રહી છે. કમોમસી વરસાદના કારણે કેરી પકવતા ખેડૂતો પણ ચિંતામાં મુકાયા છે. વરસાદને લઈ અનેક પાકોમાં નુકસાનની ભીતિ સેવાઈ રહી છે. માવઠાના કારણે આંબા પરના ફ્લાવરિંગને નુકસાન થવાની ભીતિ મોટા પાયે સેવાઈ રહી છે.
કમોસમી વરસાદની આગાહી
વલસાડ શહેર અને આસપાસના વિસ્તારોમાં કમોસમી વરસાદ થયો છે. ભર શિયાળે અષાઢી માહોલ જામ્યો છે. ખેતીના પાકમાં નુકસાનીની ભીતિ સેવાઈ રહી છે. વરસાદને લઈ ખેડૂતોમાં ચિંતા વ્યાપી છે. જિલ્લાના વાતાવરણમાં બે દિવસથી પલટો છે તેમજે હજુ પણ આગામી બે દિવસ કમોસમી વરસાદની આગાહી છે
છોટા ઉદેપુરના નસવાડીમાં વાતાવરણમાં પલટો
વલસાડના ધરમપુરમાં વાતાવરણમાં ગઈકાલથી પલટો જોવા મળી રહ્યો છે પરંતુ હવે રાજ્યના વધુ એક જિલ્લામાં વાતાવરણમાં પલટો જોવા મળ્યો છે. છોટા ઉદેપુરના નસવાડીમાં અચાનક વાતાવરણમાં પલટો જોવા મળ્યો છે. નસવાડીના બેડી કુવા ગામે કમોસમી વરસાદ થયો છે. નસવાડીમાં કમોસમી વરસાદથી ખેડૂતો ચિંતામાં મુકાયા છે.