ગુજરાતમાં શિયાળા વચ્ચે હવામાન વિભાગની 3 દિવસ માટે કમોસમી વરસાદની આગાહી સામે આવતા ખેડૂતોમાં ચિંતા વધી ગઈ છે. એટલું જ નહીં પરંતુ બે દિવસ માછીમારોને માટે દરિયો ન ખેડવા સૂચના આપવામાં આવી છે. આવો જાણીએ ક્યાં ક્યાં થશે વરસાદ?
રાજ્યમાં શિયાળા વચ્ચે માવઠાની આગાહી
માવઠાથી ખેડૂતોની વધી શકી છે મુશ્કેલી
રાજ્યમાં 3 દિવસ કમોસમી વરસાદની આગાહી
રાજ્યમાં શિયાળા વચ્ચે હવામાન વિભાગ દ્વારા માવઠાની આગાહી કરવામાં આવી છે. આ કમોસમી માવઠાથી ખેડૂતોની મુશ્કેલીઓ વધી શકી છે. 9મી તારીખથી કમોસમી વરસાદ ખેડુતોની ચિંતાનો વરસાદ બનીને વરસશે. હાલ ઘઉની ફૂલ સિઝન છે ત્યારે ઠારનો માર તો ઘઉં માટે સારો પણ આ માવઠું તૈયાર પાકને બગાજી નાંખશે.
દ. ગુજરાતને કમોસમી વરસાદ ઘમરોળશે
હવામાન વિભાગના નિષ્ણાંત મનોરમા મોહન્તિએ જણાવ્યું હતુ કે, રાજ્યમાં 3 દિવસ કમોસમી વરસાદની સંભાવના છે. જેમાં નર્મદા, ડાંગ, દાહોદમાં વરસાદી માવઠું આવશે. ભાવનગર, નવસારી, તાપી સહીતના દક્ષિણ ગુજરાતમાં કમોસમી વરસાદ તારાજી સર્જી શકે છે.
આવનારા 3 દિવસ ભારે
મનોરમા મોહન્તેએ વધુમાં જણાવ્યું હતુ કે, બે દિવસ માછીમારોને દરિયો ન ખેડવા સૂચના આપવામાં આવી છે. 9 થી 11 જાન્યુઆરીએ રાજ્યમાં માવઠાની દહેશત છે. જ્યારે 11 જાન્યુઆરીથી રાજ્યમાં ઠંડીનું પ્રમાણ વધશે,
માછીમારો માટે વોર્નિંગ
8 જાન્યુઆરીથી 12 જાન્યુઆરી સુધીમાં માછીમારો માટે વોર્નિંગ જાહેર કરવામાં આવી છે.
અહીં આજ સવારથી કમોસમી વરસાથ શરૂ
વલસાડ જિલ્લામાં આજ સવારથી જ વાતાવરણમાં પલટો જોવા મળી રહ્યો છે. વહેલી સવારથી જ વાદળછાયું વાતાવરણ જોવા મળ્યું હતુ. તથા અમુક વિસ્તારોમાં તો ધીમી ધારે વરસાદ પણ શરૂ થઈ ગયો છે. કમોસમી વરસાદથી ખેડૂતોમાં ચિંતાનું મોજુ ફરી વળ્યું છે.
અરવલ્લીના વાતાવરણમાં અચાનક પલટો આવ્યો છે. ધનસુરા, બાયડમાં વહેલી સવારે વરસાદ શરૂ થઈ ગયો છે. માવઠાથી ખેડૂતોની ચિંતા વધી છે કેમ કે, રવિ પાકને નુકસાન થઈ રહ્યું છે.
તાપની વાતાવરણમાં પણ અચાનકથી પલટો આવ્યો છે અને જિલ્લામાં કમોસમી વરસાદ શરૂ થઈ ગયો છે. વ્યારા સહિતના ગ્રામ્ય વિસ્તારોમાં કમોસમી વરસાદ શરૂ થયો છે. કમોસમી વરસાદના કારણે ખેડૂતોમાં ચિંતા વધી છે.
નવસારી જિલ્લામાં કમોસમી વરસાદ વરસી રહ્યો છે. વાસંદા તાલુકામાં કમોસમી વરસાદ વરસતા ખેડૂતો પરેશાન થયા છે. વરસાદ વરસતા ઉભા પાકને મોટું નુકસાન થયું છે. વાંસદા-ચીખલી પંથકમાં વરસાદી માહોલ વચ્ચે જગતનો તાત પરેશાન છે.