હવામાનમાં પલટો / કોરોનાના સંકટ વચ્ચે ગુજરાતમાં 2 દિવસ આકરા તાપ બાદ ધોધમાર વરસાદની હવામાન વિભાગની આગાહી

• આગામી બે દિવસ હીટવેવ, બે દિવસ પડશે વધુ ગરમી
• હવામાન વિભાગે કરી આગાહી
• 28 એપ્રિલે પડી શકે વરસાદ

કોરાના કહેર વચ્ચે વરસાદની હવામાન વિભાગની આગાહીને પગલે ખળભળાટ મચી ગયો છે. રાજ્યમાં આગામી બે દિવસ આકરી ગરમી પડશે. સાયક્લોનિક સર્ક્યુલેશન સક્રિય થતા વરસાદ આવી શકે છે. 

કોરોના વાયરને કારણે ગુજરાત સહિત આખી દુનિયાના હાલ બેહાલ બન્યા છે ત્યારે હવામાન વિભાગની વરસાદ અને ગરમીની આગાહીને પગલે લોકોમાં ફફડાટ જોવા મળી રહ્યો છે. જો કે દ.ગુજરાત, અને સૌરાષ્ટ્રમાં આકરા તાપ બાદ વરસાદ પડશે. 

કેરીની મજા બગડશે

હાલ કેરીની સિઝન જામી છે ત્યારે આ વરસાદ કેરીમાં સડો લાવશે. લોકડાઉનને કારણે તૈયાર પાક બજારમાં પહોંચ્યો જ નથી એવામાં જો વરસાદ આવશે તો ખેડૂતોએ રાતા પાણીએ રોવું પડશે. ચણા, એરંડા સહિતના પાક હાલ માર્કેટમાં પડ્યા છે. 

28-29 એપ્રિલ રાજ્યમા વરસાદની પડવાની શક્યતા

• સૌરાષ્ટ્ર, દક્ષિણ ગુજરાતમાં વરસાદની આગાહી
• વલસાડ, નવસારીમાં વરસાદ પડવાની આગાહી
• ભાવનગર, અમરેલી અને ગીર-સોમનાથમા કમોસમી વરસાદની વકી