ગુજરાતમાં કમોસમી વરસાદ આ વર્ષે પીછો જ નથી મુકી રહ્યો. શિયાળો આવ્યો અને જતો રહ્યો પરંતુ વરસાદ ક્યારેક ક્યારે ટપકી પડવાનું ચુકતો નથી. આવતી કાલે એટલે કે, 5મી માર્ચ અને 6ઠ્ઠી માર્તે ગુજરાતભરમાં કમોસમી વરસાદની હવામાન વિભાગ દ્વ્રા આગાહી કરવામાં આવી છે ત્યારે હાલ જ વાતાવરણ વાદળછાયું થઈ ગયુ છે.
હવામાન ખાતાની આગાહી
5, 6 માર્ચના રોજ પડશે વરસાદ
ખેડૂતોની હાલત ગંભીર થશે
હવામાન ખાતાએ કરેલી આગાહી પ્રમાણે, લો-પ્રેશરની સ્થિતિ સર્જાતા 5મી માર્ચના રોજ એટલે આવતી કાલે રાજ્યનાં કેટલાક ભાગોમાં કમોસમી વરસાદ થવાની શક્યતાઓ છે.
ક્યાં પડશે વરસાદ?
5મી માર્ચના રોજ ઉત્તર ગુજરાતના બનાસકાંઠા, વલસાડ, દમણ, દાદરા નગર હવેલી તથા સૌરાષ્ટ્રના દ્વારકા, પોરબંદર અને કચ્છ વિસ્તારમાં હળવા વરસાદી ઝાપટાં પડી શકે છે. જોકે, બીજા દિવસે 6 માર્ચના રોજ પણ આ વિસ્તારમાં વાદળછાયુ વાતાવરણ રહી શકે છે.
ખેડૂતોની હાલત કફોડી
જો માવઠું વધારે થશે તો રવિ પાકને પારવાર નુકશાન થઈ શકે છે. રવિ પાક ઉપરાંત કેરીમાં પણ નુકશાની થવાની ચિંતા ખેડૂતોને સતાવી રહી છે. લાંબુ ચોમાસું અને કમોસમી વરસાદના કારણે અગાઉથી જ ખેડૂતોની સ્થિતિ ખરાબ હતી આમ ફરીથી જો કમોસમી વરસાદ પડે તો ખેડૂતોને રોવાનો વારો આવે તેવી વકી છે.
કેરીનો ફાલ બગડશે
હાલ કેરીની સિઝન આવી ગઈ છે ત્યારે આંબે લટકી રહેલી કેરીઓ આ માવઠાને લીધે ખરી પડશે અથવા તો તેમાં સડો બેસસે. એટલે કે આંબાના વાવેતર કરનાર ખેડૂતોની આ સિઝન ખાટી થઈ શકે છે.