આગાહી / સૌરાષ્ટ્રના આ જિલ્લામાં કમોસમી વરસાદ પડી શકે, અદાવાદમાં આટલું તાપમાન વધશેઃ હવામાન વિભાગ

• સૌરાષ્ટ્રના ચાર જિલ્લામાં કમોસમી વરસાદ પડશે
• અમદાવાદમાં તાપમાન વધવાની સાથે ઓરેન્જ અલર્ટ
• પશ્ચિમ રાજસ્થાનમાં સર્જાયેલ ચક્રવાતથી રાજ્યના વાતાવરણમાં પલટો

હવામાન વિભાગના કહેવા મુજબ સૌરાષ્ટ્રના રાજકોટ, અમરેલી, જુનાગઢ, ગીર સોમનાથ જિલ્લાઓમાં ગાજવીજ સાથે બપોર બાદ વરસાદ થઈ શકે. વરસાદ વખતે 30થી 40 કિમીની ઝડપે પવન ફુંકાશે. આ સાથે અમદાવાદમાં આજે 43 ડિગ્રી તાપમાન રહેશે જેથી ઓરેન્જ એલર્ટ જાહેર કરાયું છે. 

હવામાન વિભાગના જણાવ્યા મુજબ પશ્ચિમ રાજસ્થાનમાં સર્જાયેલાં ચક્રવાતથી ગુજરાતના અમુક જિલ્લામાં તેની અસર બતાવશે. આ ચક્રવાતના કારણે ઉતર ગુજરાતમાં તડકો અને  સૌરાષ્ટ્રના જિલ્લાઓમાં વરસાદ વરસશે. છેલ્લા એક સપ્તાહથી રાજ્યના વિવિધ જિલ્લાઓમાં કમોસમી વરસાદ વરસી રહ્યો છે. 

ખેડૂતો માટે ચિંતાનો વરસાદ છે. 

સૌરાષ્ટરના અનેક જિલ્લાના ખેડૂતોના કમોસમી વરસાદને કારણે પાકને ખુબ નુકશાન પણ થયું છે.