આગાહી / કાળઝાળ ગરમી વચ્ચે કમોસમી વરસાદની આગાહી, આ તારીખોમાં પડશે ધોધમાર માવઠું

• રાજ્યમાં ગરમી વચ્ચે કમોસમી વરસાદની આગાહી
• આજે અમદાવાદ શહેરમાં ઓરેન્જ અલર્ટ
• 29થી 31 મે વચ્ચે સામાન્ય વરસાદ થવાની શક્યતા

રાજ્યમાં પડી રહેલી કાળઝાળ ગરમી વચ્ચે રાહતના સમાચાર મળી રહ્યા છે.. કાળઝાળ ગરમીનો સામનો કરી રહેલા ગુજરાતમાં કમોસમી વરસાદ પડી શકે છે. હવામાન વિભાગે આગાહી કરતા કહ્યું કે આજે અમદાવાદમાં ઓરેન્જ અલર્ટ જાહેર કરાયું છે. પણ 29 મેથી 31 મે દરમિયાન સામાન્ય વરસાદ થઈ શકે છે.

દક્ષિણ ગુજરાત અને સૌરાષ્ટ્રમાં વરસાદ પડી શકે છે. વાપી, વલસાડ, દમણ દાદરા અને નગરહવેલીમાં વરસાદ થઈ શકે છે. આ ઉપરાંત નવસારી, જૂનાગઢ, અમરેલી અને ગીર-સોમનાથમાં સામાન્ય વરસાદ થઈ શકે છે. હવામાન વિભાગે આ દરમિયાન 5 દિવસ સુધી દરિયો ન ખેડવા માટે માછીમારોને સૂચના આપી છે.. તો આગામી 1થી 4 જૂન દરમિયાન અરબી સમુદ્રમાં લો પ્રેશર સિસ્ટમ પણ સક્રીય થઈ રહી છે. જેના કારણે ગુજરાતમાં વરસાદ આવે તેવી શક્યતા છે. 

ખેડૂતોને નુકસાન

ખેડૂતોનો કેરીનો પાક બગડશે એટલું જ નહીં પરંતુ ગોડાઉનમાં ભરેલા ચણા પણ પલળી જશે. વળી બેસતે ચોમાસે કરવાની તૈયારીઓમાં પણ ઉણપ રહી જશે. કોરોના સંકટમાં લોકડાઉનને કારણે તૈયાર પાક વેચાયો નથી અને હવે આ વરસાદ. ખેડૂતોનો દુશ્મન બનીને આવી રહ્યો છે.