કમોસમી વરસાદ / કોરોના અને કમોસમી વરસાદનું ડેડલી કોમ્બિનેશન: હજુ 24 કલાક આકાશમાંથી આફતની આગાહી

• કમોસમી વરસાદનો કહેર
• કોરોનાના કહેર વચ્ચે વરસાદ પણ દુશ્મન
• રોગાચાળામાં વધારો થવાની આશંકા

રાજ્યમાં હજુ 24 કલાક કમોસમી વરસાદની આગાહી

ગુજરાતમાં હજુ આવનારા 24 કલાક ગાજવીજ સાથે વરસાદની આગાહી કરવામાં આવી છે. સાયકલોનીક સર્ક્યુલેશનના કારણે વરસાદી માહોલ રહેશે. ભારે પવન અને ગાજવીજ સાથે રાજ્યમાં વરસાદ થઈ શકે છે. 

ઉત્તર-મધ્ય ગુજરાત અને સૌરાષ્ટ્રના જિલ્લામાં વરસાદની શક્યતા

ઉત્તર ગુજરાત અને સૌરાષ્ટ્રમાં ગઈકાલથી જ આકાશ ગોરંભાયુ છે અને કમોસમી વરસાદે ખેડૂતો ઉપર પડતા ઉપર પાટુ માર્યુ જેવો ઘાટ ઘડાયો છે. 

ખેડા જિલ્લામાં અચાનક આવ્યો વાતાવરણમાં પલટો

નડીઆદ સહિત ખેડા જિલ્લાના કેટલાક તાલુકામાં વરસાદ થયો હતો. વરસાદ પડતાં ખેડૂત પુત્રોમાં ઉભોપાક બગડવાની ચિંતા  થઈ રહી છે. તમાકુ ઘઉં ડાંગર બાજરી સહિત ના પાકો ને નુકશાન ની આશંકા સેવાી રહી છે. 

અમદાવાદમાં ગઈ કાલે ગાજવીજ સાથે વરસાદ

ગઈકાલે સાંજે અચાનક શહેરમાં વાતાવરણમાં પલટો આવ્યો હતો. શહેરમાં વરસાદી વાતાવરણ જોવા મળ્યું. વસ્ત્રાપુર, પંચવટી, ગુરુકુલ વિસ્તારમાં ઝરમર વરસાદ ચાલુ થી ગયો હતો. ચાંદખેડા, સાબરમતી, રાણીપ, વાડજમાં ધોધમાર વરસાદ આવ્યો હતો.