માવઠું / ભર ઉનાળે આ તારીખોએ ગુજરાતમાં આવશે વરસાદ, હવામાન વિભાગે કરી આગાહી

• હવામાન વિભાગ દ્વારા રાજ્યમાં માવઠાની આગાહી
• 19 માર્ચ બાદ રાજ્યના વાતાવરણમાં આવશે પલટો
• ભર ઉનાળે કમોસમી વરસાદની આગાહી 

ગુજરાતમાં હાલ ઉનાળો બરોબર જામ્યો છે. ત્યારે વાતવરણ રોજે રોજ વધુને વધુ ગરમ બની રહ્યુ છે એવામાં વાતાવરણમાં પલટો આવવાની શક્યતાઓ નકારી શકાય નહીં. એવામાં હવામાન વિભાગ દ્વારા અગત્યની આગાહી કરવામાં આવી છે. હવામાન વિભાગે ગુજરાતમાં કમોસમી વરસાદની આગાહી કરી છે. 

હવામાન વિભાગ દ્વારા રાજ્યમાં માવઠાની આગાહી

19 માર્ચ બાદ રાજ્યના વાતાવરણમાં આવશે પલટો આવશે. ભર ઉનાળે કમોસમી વરસાદની આગાહી કરવામાં આવી છે. ગીર સોમનાથ, તાપી, નર્મદામાં વરસાદની આગાહી છે. 

અમદાવાદમાં પણ હવામાનમાં પલટો

અમદાવાદમાં પણ તપતો સૂરજથી રાહત મળશે અને બે દિવસ વાદળ છાયુ વાતાવરણ રહેશે. વાતાવરણમાં એક પ્રકારનો બોઝ અને ભેજ મહેસૂસ થશે. અમદાવાદમાં વરસાદ પહેલા બે દિવસ કાળ ઝાળ ગરમી પડવાની પણ વકી છે. 

આ બે દિવસ અહીં હિટવેવની આગાહી 

જો કે બે દિવસ સૌરાષ્ટ્ર અને કચ્છમાં હિટવેવની આગાહી પણ હવામાન વિભાગે કરી છે. અમદાવાદ,ગાંધીનગર,વડોદરા સહિત ગરમીનો પ્રકોપ રહેશે . 17 થી 19 માર્ચ સુધી કાળઝાળ ગરમી પડશે અને ત્યાર બાદ કમોસમી વરસાદની સંભાવનાઓ છે.