દેશમાં એક તરફ કોરોના વાયરસે ભરડો લીધો છે તો ગુજરાતમાં પણ આજે કોરોનાના 10 વધુ કેસ નોંધાયા છે ત્યારે વરસાદ પડવાની હવામાન વિભાગે આગાહી કરતા નાગરિકોની ચિંતામાં વધારો થયો છે.
કોરોનાના કહેર વચ્ચે ખેડુતો માટે માઠા સમાચાર
25 માર્ચના થન્ડર સ્ટોર્મ એક્ટિવિટીના કારણે વરસાદની સંભાવના
ઉત્તર ગુજરાત અને દક્ષિણ ગુજરાતમાં સૌરાષ્ટ્ર અને કચ્છમા આવશે વાતાવરણમાં પલટો
રાજ્યના હવામાન વિભાગે આગામી 25 માર્ચના થન્ડર સ્ટોર્મ એક્ટિવિટીના કારણે વરસાદની સંભાવના વ્યક્ત કરતા જગતના તાતની ચિંતામાં વધારો થયો છે. હવામાન વિભાગે જણાવ્યું હતું કે, 25 માર્ચે ઉત્તર ગુજરાત અને દક્ષિણ ગુજરાતમાં સૌરાષ્ટ્ર અને કચ્છમા આવશે વાતાવરણમાં પલટો આવનાની શક્યતા રહેલી છે.
કેરીના પાકને નુકસાન થવાની ભીંતિ
તો સૌરાષ્ટ્રમાં પણ વરસાદ પડતા કેરીના પાકને ભારે નુકસાન થવાની સંભાવના રહેલી છે.મહત્વનું છે કે, ગુજરાતમાં પર થન્ડર સ્ટોર્મ એક્ટિવિટીના કારણે વરસાદની સંભાવના અસર જોવા મળી રહી છે.
ખેડૂતોની હાલત કફોડી
જો માવઠું વધારે થશે તો રવિ પાકને પારવાર નુકશાન થઈ શકે છે. રવિ પાક ઉપરાંત કેરીમાં પણ નુકશાની થવાની ચિંતા ખેડૂતોને સતાવી રહી છે. લાંબુ ચોમાસું અને કમોસમી વરસાદના કારણે અગાઉથી જ ખેડૂતોની સ્થિતિ ખરાબ હતી આમ ફરીથી જો કમોસમી વરસાદ પડે તો ખેડૂતોને રોવાનો વારો આવે તેવી વકી છે.
રાજ્યમાં કોરોના વાયરસના 13 કેસ નોંધાયા
ઉલ્લેખનીય છે કે, એક તરફ ગુજરાતમાં કોરોના વાયરસના 13 કેસ નોંધાઇ ચૂકયા છે, ત્યારે બીજી તરફ હવામાન વિભાગે વરસાદની આગાહી વ્યક્ત કરતા રાજ્યના નાગરિકો તથા ખેડૂતોની ચિંતામાં વધારો થયો છે.
રાજધાની દિલ્હીમાં પણ વરસાદની શક્યતા
રાજધાની દિલ્હીના વાતાવરણમાં એકાએક પલટો આવ્યો છે. સવારે સાફ હવામાન રહ્યા બાદ સાંજ સુધીમાં વરસાદ આવે તેવી શક્યતા જણાઈ રહી છે. પવન સાથે વરસાદ આવવાની શક્યતાને લઈને ખેડૂતો પણ મુશ્કેલીમાં મૂકાયા છે.