PHOTOS / ગુજરાતમાં છેલ્લા 12 કલાકમાં 14 જિલ્લામાં વરસાદ, જુઓ નુકસાનીનો ચિતાર

ગુજરાતમાં હજુ ચોમાસાને તો વાર છે. પરંતુ ભર ઉનાળે જાણે ચોમાસું જામ્યું હોય તેવો માહોલ સર્જાયો છે. રાજ્યભરના અનેક જિલ્લાઓમાં કમોસમી વરસાદ ખાબક્યો છે. જેણે ખેડૂતોની ચિંતા વધારી દીધી છે. ગુજરાતમાં સવારે 6 થી સાંજના 6 સુધીમાં ગુજરાતના 14 જિલ્લામાં વરસાદ વરસ્યો છે

જુઓ કયાં કેટલો વરસાદ ?

બોટાદમાં પપૈયાના પાકને વ્યાપક નુકસાન

બોટાદ જિલ્લામાં ભારે પવન સાથે કમોસમી વરસાદ ખાબક્યો. સમઢીયાળા ગામે ભારે પવન સાથે વરસાદ થતાં કેરી અને પપૈયાના પાકને વ્યાપક નુકસાન થયુ. વરસાદ અને પવનને કારણે આંબાની કલમો તૂટી ગઇ. જ્યારે અસંખ્ય કેરીઓ ખરી પડતા મોટાપાયે નુકસાન થવાની ભીતિ સેવાઈ રહી છે.

ગાંધીનગરમાં નવા બનતા બિલ્ડિંગ સાઈટના પતરા ઉડ્યા

ગાંધીનગરના વાતાવરણમાં પણ આવ્યો પલટો. પાટનગર ગાંધીનગરમાં વાદળછાયા વાતાવરણ વચ્ચે કમોસમી વરસાદી થયો. ભારે પવન ફૂંકાયા બાદ ધૂળની ડમરીઓ ઉડી હતી. પોલીસ ભવન પાસે પતરા ઊડીને રોડ પર આવ્યા હતા

દાહોદમાં વૃક્ષ ધરાશાયી થયું

દાહોદ શહેરના વાતાવરણમાં પલટો આવ્યો હતો. ભારે પવન ફૂંકાતા પાટીયા ઝોલામાં હાઇવે પર વૃક્ષ ધરાશાયી થયું. ગરબાડા પોલીસે વૃક્ષને હટાવી હાઇવે ક્લિયર કર્યો હતો.

મહીસાગરમાં વૃક્ષ ધરાશાયી

મહીસાગર જિલ્લામાં અનેક વિસ્તારોમાં ભારે પવન ફૂંકાયો હતો. જેના કારણે લુણાવાડા-મોડાસા મુખ્ય માર્ગ પર બસ સ્ટેન્ડ નજીક વૃક્ષ ધરાશાયી થયું. વૃક્ષ ધરાશાયી થતાં મુખ્ય માર્ગ પર થયો ટ્રાફિક જામ થયો હતો. પવન ફૂંકાવાના કારણે રોડ પર વાહન ચલાવવામાં મુશ્કેલી પડી હતી.

વાંચવા જેવું: ગુજરાતમાં કમોસમી વરસાદને કારણે ખેડૂતો માટે ગાઈડલાઈન જાહેર, ટોલ ફ્રી નંબર પર મળશે માહિતી

દાહોદમાં કથાનો મંડપ ઉડ્યો

દાહોદ જિલ્લામાં ભારે વરસાદ વરસ્યો. પુરજોરથી પવન ફૂંકાતા કથા અને લગ્નનો મંડપ ઉડવાના દ્રશ્યો સામે આવ્યા હતાં. જિલ્લામાં અનેક ગ્રામ્ય વિસ્તારો પેથાપર,મીરાખેડી સહિતના વિસ્તારમાં બરફના કરા સાથે વરસાદ વરસ્યો છે. પોથાપુરમાં ભારે પવન અને વરસાદના પગલે કથાનો મંડપ ઉડ્યો હતો.